Dutolonomi 30:19 - Baibo Busansulushi Bwa Libuku Ili

¹⁹ Sunu ndeeta liculu alimwi acishi ca panshi ayi shibe bakamboni bangu. Ndamupa ciindi cakusala pakati ka buumi alufu, apakati ka coolwe amashingo. Ono amusale buumi kwaamba ayi mwebo abamulunyungu lwanu munooli boomi.

Dutolonomi 30:19 교차 참조

Dutolonomi 30:15

“Amubone, sunu ndamupa ciindi cakusala pakati ka bubotu abubi, pakati ka buumi alimwi amapensho.

Dutolonomi 11:26

“Sunu ntoomupa ciindi cakusala pakati ka coolwe alishingo.

Kulumbaisha 119:30

Ndakasala kwikala mukushomeka, ndabika maano angu kumilawo yanu.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Dutolonomi 30:1

“Ono ntoomulwiita ayi cili kuli ndimwe nobeene kusala coolwe nabi mashingo. Na shoonse ishi shikamucitikile pakati ka mishobo iyo Mwaami Lesa, Lesa wanu nkweshi akamupalanganishishe, mulaakwiibaluka shakusala nshentoomulwiita.

Luka 10:42

Sombi ncintu comwibo cisunikwi. Maliya wasala cintu ciluleme alimwi teshi akanyaikweewo.”

1 Timoti 5:21

Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

Dutolonomi 4:26

Ndeeta liculu acishi ca panshi kuba bakamboni sunu, kwaamba ayi na mukabule kunyumfwila, teshi mukekaale ciindi cilaamfu mucishi cili kwitala lya Joodani ico ncemuli pafwaafwi kubwesa. Sombi mulaakunyonyoolwa cakumaninina.

Kulumbaisha 119:173

Kamulibambite kuncafwa lyoonse mukwiinga ndakasala kukonkela milasho yanu.

Milimo ya Batumwi 2:39

Mukwiinga Lesa nshaakashomesha, wakashomesha ndimwe abana banu alimwi abaabo boonse bali kulaale, abo Mwaami Lesa mbwaaita.”

Dutolonomi 31:28

Amubunganye bamatanjilili ba mikowa yoonse, alimwi abacinenenene kwaamba ayi mbalwiite maswi aya balinyumfwile. Ntokwiita liculu alimwi acishi ca panshi ayi shibe bakamboni bangu bakubashinina.

Kulumbaisha 119:111

Milasho yanu mbobuboni bwangu bwamuyayaya. Ncakwiila mooncana kusangalala kwa moyo wangu.

Dutolonomi 32:1

“Kutika, oliculu nshentokwaamba, nyumfwa, ocishi ca panshi maswi angu.

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Tushimpi 1:29

Mwakalinga kusuula lushibo lyoonse alimwi akukaka kuloonda Mwaami Lesa.

Isaya 56:4

Mwaami Lesa waamba ayi, “Kubasankwa bakacaikwa lushalo balama bushiku bwakookesha bwa Cibelu, abo basala kucita sheesho shisangalasha alimwi batolelela kulama cipangano cangu,

Matalikilo 2:17

sombi kutalya shisepo sha cisamu cipa lushibo lwa bubotu abubi. Mukwiinga waakulyabo, ncakwiila ulaakufwa.”

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:6

Amukeekonkele cakushomeka. Ico cilaakutondesha mishobo imwi busongo mbomucite akunyumfwishisha kwa shintu shoonse. Na bakanyumfwe milawo iyi, balaakwaamba ayi, ‘Mushobo uyu ngunene ulicite busongo bunene akunyumfwishisha kwa shintu shoonse!’

Dutolonomi 30:16

Ceebo ndamulwiita ayi musune Mwaami Lesa, Lesa wanu, kweenda munshila shakwe akukonkela milawo, milasho yakwe alimwi akwiisha kwakwe kumwi koonse. Na mukacite boobo, Mwaami Lesa, Lesa wanu ulaakumufusha akumupa coolwe mucishi ico ncemutooya mukubwesa akwikalaamo.

Jelemiya 21:8

Lyalo Mwaami Lesa wakaŋambila kulwiita bantu ayi, “Amubone, ntoomubikila kunembo lyanu nshila ya buumi anshila ya lufu.

Dutolonomi 4:25

“Na mukekaale ciindi cilaamfu mucishi cilya, mwaakuba abaana alimwi abashikulu, mutakabishi kwiinda mukulipangila cibumbwabumbwa mumushobo uli woonse. Ici mbubi pameenso aMwaami Lesa alimwi cilaakumukalasha.

Dutolonomi 6:2

Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.

Tushimpi 9:11

Nshiku shako shilaakufula kwiinda muli ndime ayalo myaaka ilaakunungwaako kubuumi bwako.

Tushimpi 12:28

Bululami ninshila itola kubuumi, sombi bubi ninshila itola kulufu.

Jelemiya 42:21

Ono sunu ndamulwiita, sombi tamutoonyumfwila Mwaami Lesa, Lesa wanu muli shoonse isho nshaakantuma ayi mwaambile.

Esekelo 20:11

Ndakabapa milasho yangu akubeeisha milawo yangu iyo ipa buumi kumuntu uyo wiinyumfwila.