36 “Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.
Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”
Kuswawaawo Nebusaladani wakatola busha kuBabiloni bantu boonse bakacaala mundabala pantu pomwi abaabo bakalinga kucishi shakupangapanga abantu abo bakalinga baya kulubasu lwa bene Babiloni.
Uko mulaakunoosebensela balesa bakupanga amaansa, mbuli balesa ba shisamu aba mabwe abo batalashi, batanyumfwi, batalyi nabi kunyumfwa bweema.
Wakatola boonse abo bakacaalaawo kuBabiloni uko nkobakaya mukuba basebenshi bakwe abasebenshi ba bamulunyungu lwakwe kushikila bwaami bwa bene Pesha ndibwakaba ankusu.
Kuswawaawo Nebukadinesa mwaami wa bene Babiloni wakesa mukulwana cishi ca Juda, wacata busha Jeoiyakimu akumutola kuBabiloni kaangitwe ancetani sha bulonse.
Lyalo Mwaami Lesa wakaleta mwaami wa bene Babiloni ayi abalwaane. Mwaami uyo wakacaya basankwa bacikula bwangu amipeeni muŊanda yakwe Lesa. Taakwe kushiyaako mwanike nabi munene, musankwa nabi mwanakashi. Ncakwiila Lesa wakaaba boonse mumaansaakwe Nebukadinesa.
Kuswawaawo Mwaami Lesa wakaletela bamatanjilili ba bashilumamba ba bene Asilya ayi balwane bene Juda. Mpeeke bakacata Manase busha. Bakamubika ndobo munshono yakwe, bamwaanga ncetani sha bulonse akumutola kuBabiloni.
“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.
“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.
Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.
Bamulunyungu lwako bamwi, bulowa bwako omwiine, balaakubatola kuya mukuba basebenshi bakacaikwa lushalo muŋanda ya mwaami wa bene Babiloni.’ ”
Mwakabona shibumbwabumbwa shabo shilensha nsoni isho shakapangwa kushisamu, mabwe, silifa alimwi agolodi.
Lyalo bene Juda bakasala Jeowasi mwanaakwe Josiya ayi apyane bwaami bwa baishi muJelusalemu.
Ndaakumulengesha kuba basha kubalwani banu mucishi ico ncemuteshi ceebo bukali bwangu bulaakunyansha mulilo uyo weshi ukamuteente.”
Mumwaaka wasanu ayone wa bwaami bwakwe Sedekiya mwaami wa bene Juda, mumweenshi wa likumi, Nebukadinesa mwaami wa bene Babiloni wakanyamuka alikoto lyakwe lyoonse lya bashilumamba akushinguluka ndabala ya Jelusalemu ayi beelwaane.
Ndaakumutandaanya mundabala akumwaaba mumaansa a baswamashi alimwi akumupa mulandu.
Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.
Sombi na mwatolelela kucita shibiibi, nkokwaamba ayi mwebo amwaami wanu mulaakunyonyoolwa.”
Uko kuLibula, mucishi ca Amati, mwaami wakapingula ayi bacaikwe. Anu mboboobo bene Juda mbobakatolwa busha kuswa kucishi cabo.
Paceebo ceeco, nebo neMwaami Lesa, Shinkusu shoonse, Lesa wa bene Isilaeli ndaamba ayi, ‘Amubone, ndaakulengesha bantu aba kulya shakulya shilula akunwa maanshi akola.
Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.
