Dutolonomi 27:2 - Baibo Busansulushi Bwa Libuku Ili

² Na mukasubuke Mulonga wa Joodani akushika mucishi ico Mwaami Lesa, Lesa wanu ncaatoomupa, mukeemike mabwe aneneanene akwaamata.

Dutolonomi 27:2 교차 참조

Esekelo 36:26

Ndaakumupa myoyo ipya alimwi atulango tupya. Ndaakukusha myoyo yanu iyumu anga ngamabwe akumupa myoyo inyumfwila ndime.

Esekelo 11:19

Ndaakubapa myoyo ipya alimwi atulango tupya. Ndaakukusha myoyo yabo iyumu anga ngamabwe akubapa myoyo inyumfwila ndime.

Joshuwa 8:31

Wakaciyaka kweelana amilasho iyo Mose musebenshi wa Mwaami Lesa njaakapa bene Isilaeli. Nkokwaamba ayi bweenka mbomulembetwe mulibuku lya Milawo lyakalemba Mose ayi, “Cipaililo cakayakwa amabwe atakwe kubeswa kushisebensesho sha ceela.” Pali ncico, bakabengelawo milambu yakutenta mukulemeka Mwaami Lesa, pantu pomwi amilambu ya bwanabwankashi.

Joshuwa 4:1

Ono mushobo woonse ndiwakamana kusubuka Mulonga wa Joodani, Mwaami Lesa wakaambila Joshuwa ayi,

Joshuwa 1:11

“Beendeemo mumisumba kunoolwiita bantu ayi, ‘Amubambile limwi cakulya. Pabushiku bwatatu kuswa sunu, mulaakusubuka Mulonga wa Joodani, ayi mukabwese cishi ico Mwaami Lesa, Lesa wanu ncaatoomupa.’ ”

Dutolonomi 27:3

Lyalo mukalembewo milawo amilasho yoonse njeshi mupe na mukashikebo mucishi muli bubile abulongo bubotu ico Mwaami Lesa, Lesa wa bamashali banu bakulukulu ncaakamushomesha.

Dutolonomi 26:1

“Ono na mukashike mucishi ico Mwaami Lesa, Lesa wanu ncaatoomupa akwikala mumo,

Dutolonomi 11:31

Muli pafwaafwi kusubuka Mulonga wa Joodani akwikala mucishi ico Mwaami Lesa, Lesa wanu ncaatoomupa. Mwaakucibwesa akwikalaamo,

Dutolonomi 9:1

“Ono amukutike mwebo nobene Isilaeli. Muli pafwaafwi kusubuka Mulonga wa Joodani ayi mubwese cishi ca mishobo inene icite nkusu kwiinda ndimwe. Mandabala abo nganene alimwi alishitilishitwe alubumbu lulaamfu abuumbi.

Dutolonomi 6:1

“Iyi njemilawo amilasho iyo Mwaami Lesa, Lesa wanu njaakandwiita ayi mwiishe. Mukanooikonkela mucishi ico ncemuli pafwaafwi kwinjila akubwesa.

Dutolonomi 27:1

Kuswawaawo Mose wakeemikana pantu pomwi abamatanjilili ba bene Isilaeli akwaambila bantu boonse ayi, “Munookonkela milawo yoonse njentoomupa sunu.

Dutolonomi 27:4

Ono na mukasubuke Mulonga wa Joodani mukeemike mabwe aya paKalundu ka Ebali akwaamata, kweelana ambontoomulwiita sunu.

Joshuwa 8:30

Lyalo Joshuwa wakayakila Mwaami Lesa, Lesa wa bene Isilaeli cipaililo paKalundu ka Ebo.

Joshuwa 8:32

Mpeeke pameenso a bene Isilaeli, Joshuwa wakalemba pamabwe Milawo iyo Mose njaakalinga walemba.

Jobo 19:24

Ncakwiila inga cabota na waalemba pamuntomfwe acakulembesha ca ceela, nabi kwaatala pamabwe ayi abe amuyayaya!