Dutolonomi 26:5 - Baibo Busansulushi Bwa Libuku Ili

⁵ Lyalo kunembo lya Mwaami Lesa, Lesa wanu mulaakunokwaamba ayi, ‘Mushali wangu mukulukulu wakalinga mwine Alamu shikwiingaila uyo wakatola bamuŋanda yakwe kucishi ca Ijipiti. Pakuya bakalingabo baniini, sombi bakafula akuba mushobo unene wa nkusu.

Dutolonomi 26:5 교차 참조

Dutolonomi 10:22

Bamashali banu bakulukulu ndibakaya kuIjipiti bakalingabo makumi osanwe aobilo. Sombi bulya Mwaami Lesa, Lesa wanu wamufusha anga ninyenyeenshi mwiculu.

Matalikilo 46:27

Ono kubikaako abaana basankwa bobilo Josefu mbwaakashala kuIjipiti, bamulunyungu lwakwe Jakobo bakaya kuIjipiti bakalinga makumi osanwe aobilo pantu pomwi.

Matalikilo 31:20

Jakobo wakeenda Labani mwine Alamiya kumaano mukutamwishibisha ayi utooya lweendo.

Matalikilo 45:11

Na kamuli muGosheni inga ndakonsha kumubikaako maano. Kucili myaaka yosanwe ya nsala. Aboobo nshisuni kwaamba ayi mwebo, bana banu, ashifubwa shanu mufwe kunsala.’ ”

Matalikilo 45:7

Lesa wakantanjisha kokuno kunembo lyanu ayi mupulushe munshila ikankamanisha iyi, alimwi ayi ncakwiila mwebo abamulunyungu lwanu mutafwi.

Matalikilo 43:12

Alimwi munyamune maali eendaawo aayo ngomwakatola pakutaanguna, ceebo mulyeelete kuboosha aayo ngomwakacana peculu mumasaka anu. Ndabona bakalubakobo.

Matalikilo 31:24

Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”

Milimo ya Batumwi 7:15

Mpeeke Jakobo wakaya kuIjipiti, uko lakwe abamashali besu bakulukulu nkobakaya mukufwita.

Osiya 12:12

Jakobo wakacicila kucishi ca Silya. Isilaeli wakasebensa kwaamba ayi eebe mukaakwe. Ee, kwaamba ayi amulipilile, wakeembela mbelele.

Matalikilo 25:20

Isaki wakalinga kucite myaaka ili 40 ndyaakeeba Labeka mwanaakwe Betiwelo uyo wakalinga mwine Alamiya kuswa kuMesopotamya, alimwi nankashi yakwe Labani.

Matalikilo 24:4

Ulyeelete kuya kumisheesu nkondakashalilwa alimwi pabamakwesu ukabwese mwanakashi uyo Isaki mwanaangu ngweshi akeebe.”

Dutolonomi 7:7

“Mwaami Lesa taakwe kumusala ceebo cakwaamba ayi mwakafula kwiinda mishobo imwi yoonse. Mwebo mwakalinga baniini abuumbi kwiinda mishobo imwi yoonse pacishi ca panshi.

Kulonga 1:12

Ono nabi bene Ijipiti bakalinga kubapensha abuumbi, bene Isilaeli bakalinga kuya cifulilakobo akumwaikabo mucishi coonse. Aboobo bene Ijipiti bakatalika kuloonda bene Isilaeli.

Kulonga 1:7

Sombi bamulunyungu lwabo abo beetwa ayi bene Isilaeli bakashala baana baanji. Mpeeke bakafula abuumbi alimwi akuba ankusu, lyalo bakakumanabo cishi coonse.

Kulonga 1:5

Baana bamulunyungu lwakwe Jakobo boonse pantu pomwi bakalinga makumi osanwe aobilo, sombi Josefu mwanaakwe wakalinga kale mucishi ca Ijipiti.

Matalikilo 47:27

Bene Isilaeli bakekala mucishi ca Ijipiti mumusena wa Gosheni uko nkobakabilila akuba abaana baanji.

Matalikilo 31:40

Liinji liinji ndakalinga kubalwa lumwi alimwi akwaandwa mpewo mashiku. Tulo nshindakalinga kutubonaawo.

Matalikilo 28:5

Lyalo Isaki wakamuleka Jakobo waya kuMesopotamya kuli Labani, uyo wakalinga mwanaakwe Betiwelo mwine Alamiya, alimwi ngonandumi yakwe Labeka, banyina Jakobo aEsau.

Matalikilo 27:41

Esau wakapata Jakobo ceebo baishi bakapa nguwe coolwe. Wakayeeya ayi, “Bata bali pafwaafwi kufwa, ono na cikeende cililo, Jakobo ndaakumucaya.”

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 47:4

Twesa mukwikala mucishi cino ceebo mucishi ca Kenani nsala yakomena abuumbi cakwaamba ayi taaku abwiisu bwa shifubwa shesu. Twaseenga mutusuminishe kwikala mumusena wa Gosheni.”

Dutolonomi 1:10

Mwaami Lesa, Lesa wanu wamufusha anga ninyenyeenshi shili mwiculu.

Dutolonomi 26:4

“Mpeeke mupailishi ulaakubwesa mutaanga uyo akuubika kunembo lya cipaililo ca Mwaami Lesa, Lesa wanu.

Osiya 12:13

Nebo neMwaami Lesa ndakatuma mulaluki kwaamba ayi akushe bene Isilaeli kuswa muIjipiti. Ndakabeembela kwiinda mumulaluki uyo.