18 Alakwe pabushiku bwasunu Mwaami Lesa, Lesa wanu wasumina ayi muli bantu bakwe mwiine, kweelana ambwaakashomesha. Paceebo ceeco wamwaambila ayi munoolama milawo yakwe yoonse.
Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.
“Na munoonyumfwila Mwaami Lesa, Lesa wanu akunoocita shoonse nshaamulwiita, ulaakulengesha ayi mukabe bantu bakwe basalalite, kweelana ambwaakashomesha.
Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.
Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.
Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.
Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.
Na mbike maano kumilawo yanu yoonse, ingayi teshi nkalenshekwe nsoni.
Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.
sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.
kwaamba ayi Mwaami Lesa ambilishe ayi sunu mwaba bantu bakwe, alakwe waba Lesa wanu kweelana ambwaakamushomesha akushomesha cakulumbila kubamashali banu bakulukulu Abulaamu, Isaki alimwi aJakobo.
Paciindi ico ndaakubunjika bantu bako akuboosha bantu bako bakapalanganishikwa kucishi cine mishaabo. Ndaakulengesha bantu ba mucishi ca panshi coonse kukulemeka akukulumbaisha. Ndaakukulengesha kuswitilila alimwi. Nebo neMwaami Lesa ndaamba.”
Mwebo mulyeelete kuba bantu basalalite akubabo baangu neenka, ceebo ndime Mwaami Lesa alimwi ndisalalite. Ndakamupatula kuswa pakati ka mishobo imwi yoonse kwaamba ayi mubebo baangu neenka.
Paceebo ceeci kamumunyumfwila akukonkela milawo amilasho yakwe yoonse iyo njentoomupa sunu.”
“Na munoonyumfwila Mwaami Lesa, Lesa wanu alimwi akunookonkela kabotu milawo yakwe yoonse iyo njentoomupa sunu, ulaakumusumpula kwiinda mishobo yoonse ya mucishi ca panshi.
Ncakwiila mwakalisalila bene Isilaeli ayi babe bantu banu kwalyoonse, alimwi mwebo noBaami baLesa mwaba Lesa wabo.
Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.
Bweenka laamba mboocata mubukome bwa muntu, mbweeke ubo anebo mbondakalinga kusuni ayi bene Isilaeli abene Juda banoocatite kuli ndime. Munshila iyo nkwaamba ayi babe bantu bangu akulengesha liina lyangu kulumbaishikwa akulemekwa. Sombi balo tabakwe kunyumfwila.’ ”
