16 “Pabushiku bwasunu, Mwaami Lesa, Lesa wanu wamwaambila ayi munookonkela milawo amilasho yakwe yoonse. Munokwiikonkela amyoyo yanu yoonse alimwi abuumi bwanu boonse.
“Na mulinsuni, munanoolama milawo yangu.
“Ono njeeyi milasho amilawo njemweelete kunookonkela lyoonsebo mwaakunookala mucishi ico Mwaami Lesa, Lesa wa bamashali banu bakulukulu ncaatoomupa.
Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”
“Mwebo mulyeelete kunoocita shintu shoonse nshendamulwiita. Tamweelete kunungaawo nabi kukushaawo.
“Mukonkele milawo yoonse njendamupa sunu. Lyalo mulaakukonsha kusubuka Mulonga wa Joodani akubwesa cishi ico ayi cikabe caanu.
“Amusune Mwaami Lesa, Lesa wanu alimwi kamukonkela milawo amilasho yakwe yoonse.
Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.
Mulyeelete kushinisha kwaamba ayi mulaakunookonkela milawo amilasho yoonse njaamupa.
Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.
“Iyi njemilawo amilasho iyo Mwaami Lesa, Lesa wanu njaakandwiita ayi mwiishe. Mukanooikonkela mucishi ico ncemuli pafwaafwi kwinjila akubwesa.
Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.
Mwebo mwasumina sunu ayi Mwaami Lesa nguLesa wanu, alimwi ayi munanokweenda munshila shakwe shoonse akukonkela milawo amilasho yakwe yoonse.
“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse
