Dutolonomi 16:4 - Baibo Busansulushi Bwa Libuku Ili

⁴ Nkokwaamba ayi kwanshiku shosanwe isho, taaku muntu mucishi canu weelete kuba acimena muŋanda. Ayalo nyama yakabengwa ayi ngumulambu wa pabushiku bwakutaanguna macolesha, tayeelete koona, sombi kulikwabo bushiku bweenkoobo.

Dutolonomi 16:4 교차 참조

Kulonga 34:25

“Pakubenga munyama ayi ngumulambu kuli ndime, tamweelete kubenga shinkwa. Alimwi mutakeeleshi kushiyako cipansha ca nyama yakacaikwa pabushiku bwa Pasika bwakwiibaluka kusotokela nabi comwi ayi cikalikwe ciilo.

Kulonga 12:10

Tamweelete kushiyaako nakaceyi. Ono na kushika macuunsa imwi yacaalaawo, ilyeelete kutentwa.

Kulonga 13:7

Kwanshiku shili shosanwe ashobilo, tamweelete kulya shinkwa. Alimwi taaku peelete kucanika cimena nabi shinkwa mucishi canu.

Kulonga 12:15

Mwaami Lesa wakaamba ayi, “Munshiku shili shosanwe ashobilo, tamweelete kulya shinkwa, sombibo cimaande. Pabushiku butaanshi munshiku ishi, mulyeelete kukusha cimena coonse mumaandaanu mukwiinga uyo woonse weshi akalye shinkwa munshiku shosanwe ashobilo ishi, ulaakukushikwa mubantu bangu bene Isilaeli.

Kulonga 12:8

Mashiku pabushiku mbomunya ubo, nyama ilyeelete kuyokwa, akwiilya pantu pomwi abucisa bulula alimwi acimaande.

Mateyo 13:33

Jesu alimwi wakabalwiita acimwi cikoshanyo ayi, “Bweene bwa kwiculu buli anga ncimena ciniini mwanakashi ncaakasenkanya mushikopo shotatwe sha fulaulo, kushikila woonse wafutumuka.”

Kulonga 12:6

Ono pabushiku bwalikumi ashone mumweenshi ngomunya uno macolesha, bene Isilaeli boonse balyeelete kucaya banyama abo.

Kulonga 23:18

“Mutanoopa shinkwa pakupa mulambu wa munyama kuli ndime. Alimwi mafuta oonse a banyama ngoompekwa pakusekelela uku, teelete kucaalaako kushikila abushiku bukonkela.

Dutolonomi 16:5

“Nyama ya pabushiku bwa Pasika bwakwiibaluka kusotokela tayeelete kucailwa mundabala imwi ili yoonse Mwaami Lesa, Lesa wanu njeshi akamupe.