12 Kamwiibaluka ayi mwakalinga basha mucishi ca Ijipiti. Anu milawo iyi mulyeelete kunooikonkela.
Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.
Mwebo nobaswamashi bakunsengwe, amuyeeye mbuli mbomwakalinga kale kale. Bakalinga kumwiita ayi batapalwitwe, balo kabaliita ayi bapalwitwe, (ceebo ca kwishibila kwabo uko nkobacita pamibili yabo.)
Mukanoolemeka Mwaami Lesa, Lesa wanu kwiinda mukusekelela uku kwanshiku shosanwe ashobilo, kumusena weenka womwi wakulambililaako. Mwaami Lesa ulaakumupa coolwe mukutebula kwanu amumilimo yanu yoonse, aboobo mulaakusangalala abuumbi.
“Ono na mukamanishe kulupula shili anga ngamaila shanu shoonse akutyana minyansa yanu yoonse, mukabe akusekelela kwa Shimpaka nshiiku shosanwe ashobilo.
Amwiibaluke ayi mwakalinga basha mucishi ca Ijipiti alimwi ayi nebo neMwaami Lesa, Lesa wanu ndakamufuna kwiinda munkusu shangu shinene. Nceceeco ncendamwaambilila ayi mulame bushiku bwakookesha bwa Cibelu.
