21 Sombi na kwaboneka kampenda kucifubwa comwi, nkokwaamba ayi ncilema myeendo nabi ayi tacilashi, ingayi cifubwa ico taceelete kubengwa kuMwaami Lesa, Lesa wanu ayi ngumulambu.
“Kuteelesha kubenga ŋombe nabi mbelele icite kampenda kali koonse kuMwaami Lesa, Lesa wanu ayi ngumulambu, mukwiinga ico Mwaami Lesa ulicipatite.
“Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.
Balyeelete kubenga mulambu wakutenta ayi ngumulambu wa cakulya kuli ndime neMwaami Lesa. Nkokwaamba ayi balyeelete kubenga bacende baana bobilo, mbelele isankwa alimwi abana ba mbelele basankwa bacite mwaaka womwi. Shoonse ishi tasheelete kuba akampenda.
Bakabenge mucende mwaana, mbelele isankwa alimwi abana ba mbelele basankwa bali bosanwe abobilo bacite mwaaka womwi. Shoonse ishi tasheelete kuba akampenda. Uyu ngumulambu wakutenta, bweema bunsangalasha neMwaami Lesa.
