Dutolonomi 13:9 - Baibo Busansulushi Bwa Libuku Ili

⁹ Ee, ulyeelete kucaikwa! Webo ndiwe weelete akutaanguna kumuuma mabwe, bamwi boonse bacaalile.

Dutolonomi 13:9 교차 참조

Milimo ya Batumwi 7:58

Kuswawaawo bakamukwelela pansengwe lya ndabala inene akumuuma mabwe. Mpeeke bakamboni bakapa shakufwala shabo sha peculu kumusankwa wacanike wiitwa ayi Saulo ayi abalamineeko.

Joni 8:7

Lyalo ndibakatolelela kumwiipusha wakakotamuka akubaambila ayi, “Uyo woonse utakwe kubishaawo pakati kanu, ataangune kumuuma libwe.”

Luka 14:26

“Muntu uli woonse usuni kuba shikwiiya wangu ulyeelete kusuna ndime kwiinda baishi abanyina, bakaakwe abana bakwe, banandumi abanankashi shakwe, ee, nabi buumi bwakwe mwiine.

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.

Bene Lefi 24:14

“Musankwa uyo mukushe mumisumba. Uyo woonse wamunyumfwa kaashingana, ulyeelete kubika maansaakwe pamutwi wa musankwa uyo ayi abe kamboni kukubisha kwakwe. Kuswawaawo, bene Isilaeli boonse balyeelete kumucaya kumabwe.

Dutolonomi 13:5

Sombi mukacaye shikusansulula shiloto amulaluki uli woonse weenga wamulwiita ayi mwaashukile Mwaami Lesa, Lesa wanu uyo wakamukusha mucishi ca Ijipiti umo momwakalinga basha. Munshila iyo walinga kusuni kumukusha kubuumi ubo bwakamulwiita Mwaami Lesa ayi mwikale. Ncakwiila ulyeelete kucaikwa kwaamba ayi mukushe bubi ubu pakati kanu.

Dutolonomi 7:2

Na Mwaami Lesa, Lesa wanu akaabe bantu aba mumaansa anu alimwi mukabakoome mulyeelete kubacaya boonse. Kutapanga cipangano ambabo alimwi kutabanyumfwila nkumbu.

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Dutolonomi 25:12

kuteelesha kumunyumfwila nkumbu. Mulyeelete kumutimbula lyaansa.