Dutolonomi 12:5 - Baibo Busansulushi Bwa Libuku Ili

⁵ Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 12:5 교차 참조

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 26:2

noonse womwi awomwi ulyeelete kubwesa mutaanga akulongelamo shilimwa shoonse nsheshi mukataangune kutebula mubulongo buli mucishi ico Mwaami Lesa, Lesa wanu ncaatoomupa. Lyalo mukatole kumusena womwi wakulambililaako uko Mwaami Lesa nkweshi akasaale.

2 Makani 7:12

Mwaami Lesa wakaboneka kuli nguwe mashiku akumwaambila ayi, “Ndanyumfwa mupailo wako alimwi ndasumina kwaamba ayi Ŋanda iyi ibe musena mweshi munoobengela milambu kuli ndime.

Dutolonomi 16:2

Mukanooya kumusena womwi wa kulambililaako akucaya ŋombe nabi mbelele nkomunya uko, ayi nja bushiku bwa Pasika mukulemeka Mwaami Lesa, Lesa wanu.

1 Baami 8:29

Kamulama Ŋanda yanu iyi mashiku amalumwi, kulama musena uyo ngomwakasala ayi tunoomulambililaamo. Kamunyumfwila na ndalanga kuŊanda yanu pakupaila.

Kulumbaisha 78:68

Sombi wakasala mukowa wa bene Juda, alimwi wakasala Kalundu ka Siyoni ako nkaakalinga kusuni.

Dutolonomi 12:13

Anu tamweelete kupeta milambu yanu kumusena uli woonse ngomwasuna.

Bene Kolose 2:9

Mukwiinga muli Klistu bulesa boonse bulekala mumubili wa buntu

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Baami 8:20

“Mboobulya ono Mwaami Lesa wakacita kweelana ambwaakashomesha. Ndakapyana bwaami bwa bata baDefedi pabene Isilaeli alimwi ndakayaka ŋanda yakulambililaamo Mwaami Lesa, Lesa wa bene Isilaeli.

1 Baami 8:16

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo. Sombi ndakasalabo ndiwe Defedi ayi ulele bantu bangu.’ ”

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Shakubelenga 7:89

Ono Mose ndyaakenjila muTente ya Cipangano mukwaamba aMwaami Lesa, wakanyumfwa lakwe kaamwaambila kuswa pakati ka shintu shobilo shicite mapapaminwa shiitwa ayi bakelebu peculu lya cifwekesho ca nkumbu paLibokoshi lya Cipangano.

1 Makani 22:1

Mpomunyaawo Defedi wakaamba ayi, “Apa peenka mpeshi pakabe Ŋanda yakwe Lesa pantu pomwi acipaililo ca milambu yakutenta ya bene Isilaeli boonse.”

1 Baami 14:21

Leoboamu mwanaakwe Solomoni wakalinga kucite myaaka makumi one amwaaka womwi ndyaakaba mwaami wa cishi ca Juda. Wakalela kwamyaaka ili likumi ayosanwe alimwi ayobilo muJelusalemu, musena uyo Mwaami Lesa ngwaakasala mucishi ca Isilaeli coonse ayi anoolambililwaako. Banyina Leoboamu bakalinga ba Naama bakaswa kuAmoni.

Joshuwa 18:1

Mpomunyaawo bene Isilaeli boonse bakabungana kuShilo alimwi akuyaka Tente ya Cipangano nkomunya uko. Cishi bakacibwesa,

Kulonga 25:22

Ono nebo ndaakunookumana awebo peculu mpomunya apo, alimwi pakati ka shintu shobilo isho pacifwekesho, mpweshi nkakupete milawo yangu yoonse ayi ukalwiite bene Isilaeli.

Joshuwa 9:27

Bushiku ubo wakabalengesha kuba beshikutepa nkuni alimwi akutekela maanshi bene Isilaeli boonse akusebensa kucipaililo ca Mwaami Lesa. Kushikila asunu bene Gibyoni ngomulimo ngobacita kumusena uli woonse Mwaami Lesa ngweenga wasala.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Ciyubululo 14:1

Lyalo ndakalangilisha akubona Mwanaambelele kaaimfwi paKalundu ka Siyoni, kaali abantu bali 144,000 abo bakalinga kulembetwe liina lyakwe alimwi alya baIshi pankumo shabo.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Dutolonomi 12:4

“Tamweelete kulambila Mwaami Lesa, Lesa wanu munshila njebalambililamo balesa babo.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 14:23

Kuswawaawo mukaye kumusena womwi uyo Mwaami Lesa, Lesa wanu ngweshi akasaale ayi nkokwakumulambilila. Nkomunya uko, mukalye shipansha shanu shalikumi sha shili anga ngamaila, waini, mafuta a olifi, kubikaawo abaana ba ŋombe aba mbelele bakwiiya. Mukanoocita boobo kwaamba ayi mukeeye kulemeka Mwaami Lesa, Lesa wanu lyoonse.

Dutolonomi 14:24

Ono na musena wakulambililaako uli kulaale akooko nkomwikala, cakwaamba ayi inga tamucikoonshi kunyamuna shalikumi sha mumyuunda yanu isho Mwaami Lesa nshaakamupa, ncemweelete kucita

Dutolonomi 15:20

Sombi mumwaaka womwi awomwi, mwebo abamumaandaanu mulakonsha kunoolya shifubwa ishi pameenso aMwaami Lesa, Lesa wanu kumusena womwi uyo wakulambililaako.

Dutolonomi 16:6

sombibo kumusena womwi wakulambililaako uyo ngweshi akasaale. Nkomunya uko nkomweelete kubengela mulambu wa bushiku bwa Pasika macolesha, ceebo ici nceciindi ndimwakaswa mucishi ca Ijipiti.

Dutolonomi 17:8

“Ono na kwaba milandu iyumu itakoonshi koomboloshekwa munkuta shanu, mbuli ya kucaya muntu, kulwanina buboni nabi ya kucisa muntu mukeetole kumusena womwi wakulambililaako uyo Mwaami Lesa, Lesa wanu ngweshi akasaale.

Dutolonomi 31:11

Mukanoobelengela bene Isilaeli boonse na besa mukulambila Mwaami Lesa, Lesa wanu kumusena womwi wakulambililaako uyo Mwaami Lesa ngweshi akasaale.

Joshuwa 22:11

Bene Isilaeli bamwi boonse bakanyumfwa ayi bakayaka cipaililo kulubasu lwabo mumanyinsa a Kenani kuGeliloti pafwaafwi aJoodani.

Esila 3:2

Ono Jeshuwa mwanaakwe Josadaki abapailishinyina, Selubabelo mwanaakwe Sheyalutyelo pantu pomwi abamakwabo, bakatalika kuyaka cipaililo cakwe Lesa wa bene Isilaeli ayi babenge milambu yakutenta, kweelana amilasho ilembetwe muMilawo yakwe Mose muntu wakwe Lesa.

Esila 6:12

BaLesa, abo bakasala Jelusalemu kwaamba ayi ube musena wakubalambililaamo, bakakome mwaami uli woonse nabi mushobo uyo weshi ukakake kukonkela mulawo uyu akweelesha kunyonyoola Ŋanda yakwe Lesa iyi. “Nebo neDalyasi, ndapa mulawo uyu alimwi ulyeelete kukonkelwa camaansa obilo.”

Esila 7:17

“Ulyeelete kusebensesha kabotu maali aya kuula bacende, mbelele shisankwa, baana ba mbelele basankwa, pantu pomwi ashipo sha nshisho sha shili anga ngamaila asha shakunwa akushibenga pacipaililo ca kuŊanda yakwe Lesa kuJelusalemu.

Jelemiya 7:14

Paceebo ceeco isho nshendakacita kuShilo, bulya ntooshicita kuŊanda yangu ino iyo njemucinkitemo manungo. Nkokwaamba ayi ntooshicita kumusena ngondakapa ndimwe alimwi abamashali banu bakulukulu.

Jelemiya 26:2

“Imikana mulubansa lwa Ŋanda yangu neMwaami Lesa akwaambila bantu boonse ba mumandabala a muJuda abo besa mukulambila muŊanda yangu. Ubalwiite shoonse nshendakwaambila cakutashiyawo liswi nabi lyomwi.

Bene Lefi 17:4

mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu.

Dutolonomi 16:7

Mukateente nyama akwiilita kumusena womwi wakulambililaako. Bwaakucabo mukaboole kumisumba yanu.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 16:15

Mukanoolemeka Mwaami Lesa, Lesa wanu kwiinda mukusekelela uku kwanshiku shosanwe ashobilo, kumusena weenka womwi wakulambililaako. Mwaami Lesa ulaakumupa coolwe mukutebula kwanu amumilimo yanu yoonse, aboobo mulaakusangalala abuumbi.

Dutolonomi 18:6

“Paceebo ceeci mwine Lefi uli woonse usuni inga walonga kuswa mundabala ili yoonse mucishi ca Isilaeli kuya kumusena womwi wakulambililaako,

1 Baami 12:27

Na bantu bangu banoociya mukubenga milambu kuŊanda ya Mwaami Lesa mundabala ya Jelusalemu, inga basandukila kuli Leoboamu mwaami wa bene Juda. Aboobo inga bancaya akuboolela mubwaami bwakwe.”

2 Baami 18:22

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo ca kuJelusalemu?

Neyemiya 1:9

Sombi na mukasandukile kuli ndime akukonkela milawo yangu, ndaakumuboosha mumusena ngondakasala ayi noolambililwa nabi bantu banu bamwi bali mushishi sha busha shili kulaamfu.’

Jelemiya 7:12

“Ono kamuya kuShilo, musena uyo ngondakataanguna kusala ayi noolambililwaako akubona ncendakacita ceebo ca bubi bwa bantu bangu bene Isilaeli.