Dutolonomi 12:2 - Baibo Busansulushi Bwa Libuku Ili

² Mucishi ico nceshi mukabwese, mukanyonyoole misena njebalambililamo balesa babo patulundu tulaamfu atufwaafwi alimwi amushisamu sha shimfule shibotu.

Dutolonomi 12:2 교차 참조

Dutolonomi 7:5

Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.

2 Baami 16:4

Aasi wakalinga kubenga milambu akutenta tununkila kabotu kumisena yakulambililaako ya patulundu alimwi amunshaashisamu shicite shimfule shibotu.

Osiya 4:13

Balabenga milambu pansonga sha tulundu akutenta tununkila kabotu patulundu tuniini munshaashisamu shilaamfu shicite matewu aanji mukwiinga shilicite shimfule shibotu. Paceebo ceeco bana banu banakashi balaya cicita bufuule abalo bamalokashi banu balaya cicita bulale.

Jelemiya 3:6

Muciindi ca bulelo bwakwe Josiya, Mwaami Lesa wakandwiita ayi, “Sa wamubona Isilaeli mwanakashi mufuule utashomeki nshaatoocita. Ulatanta peculu lya tulundu toonse amunshaashisamu shoonse shicite shimfule shibotu akunoocita bufuule.

2 Baami 23:13

Josiya wakanyonyoola shipaililo isho shakayaka Mwaami Solomoni kwicwe lya Jelusalemu kumalenge aKalundu ka Kunyonyoolwa, isho shakalinga kusebenseshekwa pakulambila shibumbwabumbwa shilensha bunya. Nkokwaamba ayi kulambila Ashitaloti lesa mwanakashi wa bene Sidoni, Kemoshi lesa wa bene Moabu, alimwi aMoleki lesa wa bene Amoni.

Boomboloshi 2:2

Amwebo tamweelete kupanga cipangano abantu ba momuno. Mulyeelete kupwaya shipaililo shabo.’ Sombi mwebo tamukwe kunyumfwila mulawo wangu. Ino mwacitilaanshi bobulya?

Shakubelenga 22:41

Bushiku bwakaboolaawo, Balaki wakatola Balaamu paKalundu ka Bamoti Baali, uko Balaamu nkwaakalinga kukonsha kubona cipansha ca misumba ya bene Isilaeli.

Kulonga 23:24

Mutakeeleshi kufukamina balesa babo nabi kubalambila, alimwi mutakakonkeli micito yakupaila kwabo. Sombi mukanyonyoole balesa babo alimwi akupwayoola mabwe ngobakeemika pamisena yakulambililaawo.

1 Baami 3:2

Ŋanda yakwe Lesa keetana kuyakwa bantu bakalinga kubenga milambu yabo pashipaililo shipusenepusene shiinji.

1 Baami 14:23

Bakayaka misena yakulambililaako ya patulundu, bakeemikaawo amabwe akuyakawo shikoshanyo shakwe Ashela lesa mwanakashi kwaamba ayi kabalambila patulundu amunshaashisamu shicite shimfule shibotu.

2 Baami 11:18

Lyalo bantu bakaya kuŋanda yakwe Baali akwiipwaya alimwi akupwaya shipaililo ashibumbuwabumbwa. Bakacaya Matani mupailishi wakwe Baali kunembo lya shipaililo. Mpeeke Jeoiyada wakabika beshikulindilila kuŊanda yakwe Lesa.

Isaya 36:7

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo comwibo kuJelusalemu?

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Jelemiya 3:2

Amulange peculu lya tulundu tutacite bwiisu mubone. Sa kuliwo pakacaala mpomutana kutacitilawo bufuule? Mwakalinga kunookala mweela nshila kulindilila basankwa bweenka mbuli bucita muAlabu muluyanga. Aboobo mwalengesha cishi kutanoosalalite ceebo ca bufuule abubi bwanu.

Jelemiya 3:13

Citooyandikabo nkusumina mulandu wako. Webo wakaashukila ndime neMwaami Lesa, Lesa wako. Wakalinga kubikila maano balesa beensu munshaashisamu shoonse shicite shimfule shibotu. Mukucita boobo tewakalinga kunyumfwila. Nebo neMwaami Lesa ndaamba.’ ”

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Jelemiya 17:2

Bana banu abalo balayeeyabo shipaililo shanu alimwi ashikoshanyo shakwe Ashela lesa mwanakashi shili kulubasu lwa shisamu shicite shimfule shibotu alimwi apeculu lya tulundu tulaamfu.