4 Mwakabona mbuli Mwaami Lesa mbwaakalobya bashilumamba bene Ijipiti boonse, pantu pomwi amaaki alimwi ashikoci shabo kwiinda mukubalengesha kufwita muLweenge Lusalala ndibakalinga kukonkela ndimwe.
Sombi maanshi akafwekelesha balwani babo. Ncakwiila taaku nabi womwi wakacaala.
Ndushomo lwakalengesha ayi bene Isilaeli basubuke Lweenge Lusalala kabalyatabo payumu, anga temwakalinga maanshi. Sombi bene Ijipiti ndibakeelesha kusubuka, maanshi akabalobya boonse.
Anu bene Isilaeli bakasubuka lweenge pabulongo buyumu nta. Sombi shikoci shankondo sha bene Ijipiti, maaki alimwi abeshikweensha babo ndibakashika mulweenge, Mwaami Lesa wakakumanya maanshi alimwi. Mpeeke akabafwekelesha.
“Wakawaala bashilumamba bene Ijipiti alimwi ashikoci shabo shankondo mulweenge. Beshikutanjilila bashilumamba basalitwe, boonse bakepishikwa muLweenge Lusalala.
Sombi mwebo noonse amupiluluke muboolele muluyanga munshila iya kuLweenge Lusalala.’
“Lyalo twakapiluluka akuya muluyanga munshila iya kuLweenge Lusalala bweenka Mwaami Lesa mbwaakaŋambila. Twakamana ciindi cilaamfu katwiingookabo mucishi ca tulundu ca Edomu.
Mwebo nobeene mulishi Mwaami Lesa ncaakamucitila muluyanga kamutana kushika kokuno.
