22 Bamashali banu bakulukulu ndibakaya kuIjipiti bakalingabo makumi osanwe aobilo. Sombi bulya Mwaami Lesa, Lesa wanu wamufusha anga ninyenyeenshi mwiculu.
Ono kubikaako abaana basankwa bobilo Josefu mbwaakashala kuIjipiti, bamulunyungu lwakwe Jakobo bakaya kuIjipiti bakalinga makumi osanwe aobilo pantu pomwi.
Baana bamulunyungu lwakwe Jakobo boonse pantu pomwi bakalinga makumi osanwe aobilo, sombi Josefu mwanaakwe wakalinga kale mucishi ca Ijipiti.
Mwaami Lesa wakatola Abulamu pansengwe akwaamba ayi, “Langilisha mwiculu alimwi weeleshe kubelenga nyenyeenshi. Ncakwiila ulaakuba abamulunyungu lwako baanji anga ninyenyeenshi.”
Mwaami Lesa, Lesa wanu wamufusha anga ninyenyeenshi shili mwiculu.
Mwakalengesha baana babo kufula anga ninyenyeenshi mwiculu alimwi mwakabalengesha kukoma cishi ico ncemwakashomesha kupa bamashali babo bakulukulu.
Nacibi kwaamba ayi mwakalinga baanji anga ninyenyeenshi, mulaakucaalabo nongaye ceebo tamukwe kunyumfwila Mwaami Lesa, Lesa wanu.
Lyalo Josefu wakatuma maswi kuli ishi Jakobo ayi akese kuIjipiti abamakwabo boonse. Bantu boonse pantu pomwi bakalinga makumi osanwe aobilo alimwi abosanwe.
Nkokwaamba ayi basankwa bene Isilaeli boonse pantu pomwi bakalinga 601,730.
Nakubi kwaamba ayi Abulaamu wakalinga anga ngumuntu ufwite, mumuntu womwi uyu mwakaswa bamulunyungu lwakwe baanji anga ninyenyeenshi sha mwiculu alimwi anga ngumuseese wa muloombe lwa lweenge.
Anu basankwa bene Lefi abo bakalinga kucite mweenshi akuya kunembo pantu pomwi boonse bakalinga 23,000. Pabene Isilaeli boonse, balo tabakwe kubelengelwa pantu pomwi abene Isilaelinyinaabo mukwiinga tabakwe kupekwawo cishi pakati kabo.
Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.
Lyalo kunembo lya Mwaami Lesa, Lesa wanu mulaakunokwaamba ayi, ‘Mushali wangu mukulukulu wakalinga mwine Alamu shikwiingaila uyo wakatola bamuŋanda yakwe kucishi ca Ijipiti. Pakuya bakalingabo baniini, sombi bakafula akuba mushobo unene wa nkusu.
Boonse pantu pomwi mbamulunyungu lwakwe Jakobo mbwaakayaabo kuIjipiti, kutabelengelaako bamalokashi bakwe, abo bakalinga makumi osanwe alyomwi alimwi abosanwe awomwi.
Ono Mwaami Lesa wa bamashali banu bakulukulu, aamufuushe mankanda cuulu kwiinda mbomubete akumusumpula kweelana ambwaakashomesha!
