Danyelo 9:16 - Baibo Busansulushi Bwa Libuku Ili

¹⁶ NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Danyelo 9:16 교차 참조

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Danyelo 9:20

Ndakatolelela kupaila, kaandyaambilila shibiibi shangu ashibiibi sha bene misheesu bene Isilaeli akukombelela Mwaami Lesa, Lesa wangu kwaamba ayi alengeshe Ŋanda yakwe kutalika kusebenseshekwa alimwi.

Kulumbaisha 31:1

Nobaami baLesa, muli ndimwe moonjuba. Mutakandeeki ayi nkomwe akulenshekwa nsoni, sombi mukampulushe ceebo ca bululami bwanu.

Kulumbaisha 79:4

Mishobo itushingulukite yatusebaanya cakumaninina. Bantu ba mishobo imwi batuseka alimwi akutucelebula.

Kulumbaisha 71:2

Ceebo ca bululami bwanu amumfuune akumpulusha. Amuteye matwi anu kuli ndime akumpulusha.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

1 Joni 1:9

Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

2 Bene Tesalonika 1:6

Lesa ulaakucita ncaaelete kucita mukwiinga ulaakulengesha kupenga abo bamupensha

Esekelo 5:14

“ ‘Ndaakumunyonyoola akumulengesha kucoboka pakati ka mishobo imushingulukite akubeshikwiindabo.

Jelemiya 32:32

ceebo ca shibiibi shoonse isho shakacita bene Juda abene Jelusalemu pantu pomwi abamaami babo alimwi abamatanjilili babo, bapailishi babo alimwi abalaluki.

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Kulumbaisha 143:1

NoBaami baLesa, amunyumfwe mupailo wangu, amunyumfwe mboontoomulilila akunyumfwila nkumbu. Amumfuune kwiinda mukushomeka kwanu abululami bwanu.

Kulumbaisha 41:13

Aalumbaishikwe Mwaami Lesa, Lesa wa bene Isilaeli, aalumbaishikwe lyoonse alyoonse. Ameni alimwi ameni.

Neyemiya 9:8

Mwakacana kwaamba ayi moyo wakwe wakalinga kushomeka kuli ndimwe akupanga cipangano anguwe. Mwakashomesha kupa bamulunyungu lwakwe cishi ca bene Kenani, bene Iti, bene Amoli, bene Pelisi, bene Jebusi alimwi abene Gegashi. kwaamba ayi cibe cishi cabo. Mwakacita kweelana acipangano canu ceebo mulashomeka.

1 Samwelo 2:7

Ulalengesha bantu bamwi kukanduka, bamwi kubila. Ulaceesha bamwi akusumpula bamwi.

Kulumbaisha 85:4

NobaLesa Bapulushi besu, amutubooshele bwikaalo bwesu butaanshi. Bukali bwanu pali ndiswe abumane.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 32:31

Bantu bamundabala inene ino bakasonkomona bukali bwangu akunkalasha kuswabo bushiku mbobakeeyaka. Aboobo ndipingite kwiinyonyoola

Danyelo 11:45

Ulaakuyaka amatente akwe a bwaami pakalundu apo pali Ŋanda yakwe Lesa. Sombi ulaakufwa kwakubula nabi womwi uko umucafwa.”

Kulumbaisha 89:51

NoBaami baLesa, balwani banu batootukana mwaami ngomwakasala. Balamutukana kuli koonse nkweenga waya!

Esekelo 22:4

Ulicite mulandu ceebo ca bulowa mbowakatila alimwi akulibisha kushibumbwabumbwa nshewakapanga. Walilengesha nshiku shako kushika kumamanino. Ciindi canu camana. Paceebo ceeco, ndaakumulengesha kuba cintu ceelete kushibulukwa alimwi akuba cintu ceelete kusekwa kushishi shoonse.