Danyelo 8:3 - Baibo Busansulushi Bwa Libuku Ili

³ Ndakeenamuka akubona mbelele isankwa kunembo lyangu iyo yakalinga kucite meeca obilo alaamfu kayiimfwi muloombe lwa mulonga uyo. Liica lyomwi lyakalinga lilaamfu kwiinda libye. Lifwaafwi ndilyakataanguna kumena, pesule lilaamfu ndilyakamena.

Danyelo 8:3 교차 참조

Danyelo 8:20

“Mbelele isankwa icite meeca obilo njewabona, ileemikanina bulelo bwa bene Mediya abwa bene Pesha.

Danyelo 10:5

Ndakeenamuka akubona muntu wakalinga kufwete shakufwala sha nsalu iteshimite alimwi alamba wa golodi wiine wiine kaaimfwi kunembo lyangu.

Sekaliya 6:1

Ndakabona mucili anga nciloto cimwi shikoci shone shakalinga kuswa pakati ka tulundu tobilo twa bulonse.

Sekaliya 5:9

Kuswawaawo ndakabona banakashi bobilo kabesa cuulukila nkondakalingila. Bakalinga kucite mapapaminwa ayumu bweenka mbuli a nkobokobo. Banakashi aba bakabwesa mutaanga uyo akuuluka anguwo.

Sekaliya 5:5

Munjelo uyo wakalinga kubandika anebo wakesa alimwi akuŋambila ayi, “Langilisha! Ncilya cintu cimwi citoosa.”

Sekaliya 5:1

Ono ndindakalangilisha alimwi ndakabona cakulembelaawo kacuuluka mwiculu.

Sekaliya 2:1

Mucili anga nciloto cimwi ndakabona musankwa kaaimfwi kunembo lyangu antaambo yakupimishaako mulyaansa.

Sekaliya 1:18

Mucili anga nciloto cimwi ndakabona meeca one.

Danyelo 7:5

“Munyama wabili wakalinga kuboneka anga ngubeya kaaimfwi amyeendo yakwisule. Munyama uyo wakalinga kucatite mapinga otatwe mumeeno akwe. Ono liswi lyakamwaambila ayi, ‘Tolelela kulya nyama iinji tibili ukute.’

Danyelo 6:28

Kuswawaawo Danyelo wakaswitilila abuumbi mubwaami bwakwe Dalyasi abwakwe Sailasi mwine Pesha.

Danyelo 5:31

Mpeeke Dalyasi mwine Mediya wakabwesa bwaami kaacite myaaka ili makumi osanwe amyaaka yobilo.

Danyelo 2:39

“Kuswa kubulelo bwanu, bulelo bumwi bulaakubuka. Bulelo ubo teshi bukanokweelene nkusu abwaanu. Kuswa boobo kulaakwisa bulelo bwatatu ubo bwakeemikaninwa abulonse. Bulelo ubo bulaakulela cishi coonse ca panshi.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 13:17

“Amubone ndaakubasonkomweta bene Mediya kwaamba ayi balwane bene Babiloni. Bene Mediya balo tabacite ncito asilifa, awalo golodi toobakushiwo moyo.

Esita 1:3

Mumwaaka watatu wa bwaami bwakwe, wakabambila bacinenenene bakwe boonse kusekelela. Abalo bamatanjilili ba bashilumamba ba kuPesha akuMediya, beendeleshi alimwi abamatanjilili ba shishi shoonse isho bakalingaako.

Esila 4:5

Bakalipila maali bacinenenene ba kuPesha ayi bakashe mulimo kuya panembo. Bakacita boobo mubwaami bwakwe Sailasi wa kuPesha boonse kushikila amubwaami bwakwe Dalyasi wa kucishi ncemunya ico.

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

1 Makani 21:16

Defedi wakabona munjelo wakalinga kwiimfwi muluuwobo alimwi wakalinga kucite mupeeni mulyaansa lyakwe kaalibambite kunyonyoola Jelusalemu. Lyalo Defedi abamaloba abo boonse bakalinga kufwete masaka, bakafukama cakushisha shiwa panshi.

Joshuwa 5:13

Ono Joshuwa ndyaakalinga pafwaafwi andabala ya Jeliko, wakabona muntu kunembo lyakwe kaacite mupeeni mulyaansa. Joshuwa wakaya kuli nguwe akumwiipusha ayi, “Sa uli kulubasu lwesu nabi kulubasu lwa balwani besu?”

Shakubelenga 24:2

akubona bene Isilaeli kabayakite mukowa amukowa. Mpeeke Mushimu wakwe Lesa wakamutanjilila,

Ciyubululo 5:6

Pesule, ndakabona Mwanaambelele kaaimfwi pakati ka cuuna ca bwaami, kaashingulukitwe ashilengwa shuumi isho shone abamaloba abo. Mwanaambelele wakalinga kuboneka anga wacaikwa. Wakalinga kucite meeca osanwe aobilo alimwi ameenso osanwe aobilo. Meenso ayo njemishimu yosanwe ayobilo yakwe Lesa iyo lakwe njaakatuma mucishi coonse ca panshi.

Ciyubululo 13:11

Kuswawaawo ndakabona munyama aumwi wakaswa mucishi ca panshi. Wakalinga kucite meeca obilo ali anga nga mbelele alimwi wakalinga kwaamba anga ngushinshimwe.

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.