Danyelo 7:2 - Baibo Busansulushi Bwa Libuku Ili

² Ndakalemba ayi, “Muciloto cangu mashiku ndakalanga akubona myuuwo yone keepuupa kuswa kumbasu shoonse akufundaanya maanshi a mulweenge lulaamfu.

Danyelo 7:2 교차 참조

Ciyubululo 7:1

Kuswawaawo ndakabona baanjelo bone kabeemfwi mumbasu shone sha cishi ca panshi. Bakalinga kukasha myuuwo yone kwaamba ayi itapuupili mucishi ca panshi, mulweenge nabi kucisamu cili coonse.

Ciyubululo 17:15

Munjelo uyu alimwi wakaŋambila ayi, “Maanshi alya ngowalinga wabona kapashiite mwanakashi mufuule uyo aleemikanina mishobo, shishi, shikanda shipusenepusene alimwi amilaka.

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Jelemiya 49:36

Ndaakulengesha muuwo kupuupa pacishi ca Elamu kuswa kumbasu shoonse shone. Ndaakupalanganya bantu bekalaamo kumbasu shoonse kushikila kukabule acishi nabi comwi uko bene Elamu beshi bakacice nkondo nkweshi bakabule kuya.

Danyelo 2:19

Ono mashiku ayo eenka cintu ico cishisitwe cakayubululwa kuli Danyelo mucili anga nciloto. Lyalo Danyelo wakalumbaisha Lesa wa kwiculu

Danyelo 7:7

“Kaanceebela kwakaboneka munyama wane uloondesha abuumbi alimwi ucite nkusu shiinji. Wakalinga kucite meeno anene a nshimbi. Wakapwayoola banyama bamwi ameeno akwe a nshimbi akubalya alimwi akulyatoola sheesho shakacaala. Munyama uyo wakalinga kupuseneeko abanyama bamwi boonse alimwi wakalinga kucite meeca ali likumi.

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.

Danyelo 8:8

Mpongo iyo yakaba abulemu buunji, sombi keecicite bulemu buunji, liica lya njiyo linene lyakatyolwa. Mumusena wa ndilyo, mwakamena meeca anene amwi one. Lyomwi alyomwi lyakalanga kulubasu lwa ndilyo.

Danyelo 11:4

Pesule lyakuba ankusu shiinji, bulelo bwakwe bulaakubaanikamo shipansha shone. Lyalo bamaami abo bateshi bamulunyungu lwakwe balaakunoolela mumusena wakwe. Sombi teshi bakabe ankusu sheelene ankusu shakwe. Ncakwiila bulelo bwakwe bulaakunyaikwa kuli nguwe akupekwa kubamwi.

Sekaliya 6:5

Alakwe wakankumbula ayi, “Uyu njimyuuwo yone yaswa kunembo lya Mwaami Lesa wa cishi coonse ca panshi.”

Isaya 17:12

Amunyumfwe bukali bwa bantu bamumishobo iinji. Mbakalibo anga ncipuupu ciyoosha ca palweenge! Ciyobeyobe cabo cilibo anga nciwuutila ca maaba ayoosha!

Jelemiya 51:42

Lweenge lulaakupisha Babiloni akumufwekelesha kumaaba a ndulo awoota.