Danyelo 7:18 - Baibo Busansulushi Bwa Libuku Ili

¹⁸ Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Danyelo 7:18 교차 참조

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.

Danyelo 7:22

tibili Lesa walyoonse alyoonse ndyaakesa mukupa bupingushi bwakwe mukufuna bantu basalalite bakwe Lesa wa kwiculu Wiindaawo abo mukwiinga ciindi cakashika cakwaamba ayi bulelo bube bwaabo.

Kulumbaisha 45:16

Mwebo nobaami, mulaakuba abaana basankwa baanji abo beshi bakabe pamisena ya bamashali banu bakulukulu. Mwebo mulaakubalengesha kuba bamaami mucishi coonse ca panshi.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Bene Efeso 6:12

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Luka 1:33

Ulaakuba mwaami wa mushobo wakwe Jakobo alimwi bweene bwakwe teshi bukamaneewo.”

1 Bene Kolinto 6:2

Sa tamwishi kwaamba ayi bene Klistu mbweshi bakoomboloshe bantu bakunsengwe boonse mucishi ca panshi? Ono na mulaakoombolosha cishi coonse, sa tamweelete koombolosha tukani tuniini twa mushobo uyu pakati kanu?

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.

Kulumbaisha 49:14

Balibambitwe kuya kumusena wa bafu bweenka mbuli mbelele. Lufu ndoluya ceembela bantu abo. Baluleme balaakubeendelesha macuunsa. Mibili yabo yaakunoobola cakufwambaana mumusena wa bafu kulaale amaandaabo abotu.

Isaya 14:2

Mishobo imwi ya bantu ilaakucafwa bene Isilaeli kuboola kucishi ico cakabapa Mwaami Lesa. Mucishi ico bantu bamumishobo imwi iyo balaakuba basha kubene Isilaeli. Lyalo abo bakalinga bacata bene Isilaeli busha, balaakuba mbabo basha kubene Isilaeli. Ncakwiila bene Isilaeli balaakulela baabo bakalinga kubalyatilila.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Danyelo 7:17

Wakaamba ayi, ‘Banyama banene bone abo baleemikanina malelo one ayo eshi akabe mucishi ca panshi.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Obadiya 1:17

Mwaami Lesa waamba ayi, “Sombi pakalundu ka Siyoni, bamwi balaakupulushikwa. Kalaakuba musena usalalite. Bamulunyungu lwakwe Jakobo balaakuboola mucishi ico cakabalasha Lesa.