Danyelo 6:10 - Baibo Busansulushi Bwa Libuku Ili

¹⁰ Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Danyelo 6:10 교차 참조

Kulumbaisha 55:17

Macolesha, macuunsa amalumwi eene, ndoolobesha kuli nguwe mubuumba bwangu, alakwe ulanyumfwa liswi lyangu.

Milimo ya Batumwi 5:29

Mpeeke Pita abatumwi bamwi boonse bakakumbula ayi, “Tulyeelete kunyumfwila Lesa, kuteshi bantu, sobwe!

Kulumbaisha 95:6

Kamwisa tumulambile cakushisha shiwa panshi. Atufukame pameenso a Mwaami Lesa uyo wakatulenga,

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Kulumbaisha 34:1

Nebo ndanoolumbaisha Mwaami Lesa lyoonse. Mulomo wangu teshi ukacilekeewo kumulumbaisha.

Kulumbaisha 5:7

Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.

Milimo ya Batumwi 9:40

Pita wakabakusha pansengwe boonse, wakafukama akutalika kupaila. Kumana kupaila, wakapilulukila kwakalinga mutuntu akwaamba ayi, “Tabita, nyamuka!” Lyalo Tabita wakalasha, mpeeke ndyaakabona Pita, wakabuka, wekala.

Jona 2:4

Ndakaamba ayi, ‘Ndatandaanishikwa pameenso anu, nakubi boobo, ndaakulangilisha alimwi kuŊanda yanu isalalite.’

1 Baami 8:54

Solomoni ndyaakamanisha kupaila kuMwaami Lesa, wakanyamuka kunembo lya cipaililo, uko nkwaakalinga kufukeme kaatambikite maansa mwiculu.

1 Baami 8:44

“Na mwaambila bantu banu kuya mukulwana balwani babo, na kuli koonse nkweenga kababete bapaila kuli ndimwe, kabalangite ndabala inene iyi njemwakasala, aŊanda yanu njendakamuyakila,

Bene Efeso 3:14

Paceebo ceeco ndafukama pameenso a baTa,

Milimo ya Batumwi 10:9

Ono bushiku bwakaboolaawo malumwi, basankwa abo ndibakashika pafwaafwi andabala ya Jopa, Pita wakatanta paciluli ca ŋanda kwaamba ayi apaile.

Danyelo 6:13

Mpeeke bakaambila mwaami ayi, “Danyelo womwi wa basha abo bakaswa kucishi ca Juda taamulemeki nobaami nabi kukonkela mulawo uyo ngomwakapanga. Lakwe ucipaila kuli Lesa wakwe mankanda otatwe pabushiku.”

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

1 Baami 8:38

amukutike mipailo yabo. Na bamwi pakati ka bantu banu bene Isilaeli, kwiinda mukupya myoyo, batandabika maansa kulansha kuŊanda yanu pakupaila,

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Bene Filipi 1:20

Ntoolangila amoyo woonse kwaamba ayi kutakabi nabi comwi ceshi cikanenshe nsoni. Aboobo ntooyandishisha kwaamba ayi mbe ankusu sheelete bulya, mbuli lyoonse ayi Klistu alemekwe muli ndime, mubuumi nabi mulufu.

Milimo ya Batumwi 20:36

Ndyaakamana kwaamba, wakafukama pantu pomwi ambabo akupaila kuli Lesa.

Neyemiya 6:11

Sombi ndakakumbula ayi, “Sa muntu uli mbuli ndime inga wacica? Sa muntu uli mbuli ndime ulakonsha kuya mukuyuba muŊanda yakwe Lesa kufuna buumi bwakwe? Nebo teshi njeeko.”

2 Makani 6:38

Na basanduka camoyo woonse kuswa kushibiibi shabo mucishi ico cabusha akupaila kabalangite kucishi cino ncemwakapa bamashali besu bakulukulu, ndabala ino njemwakasala alimwi aŊanda yanu iyo njendakamuyakila,

Ciyubululo 2:13

Utokwaamba ayi, ‘Ndishi nkookala. Ulekala kumusena Satana nkwaaendelesha. Ulashomeka kuli ndime alimwi tookwe kusowa lushomo lwako muli ndime nabi paciindi Antipasi, kamboni wangu ushomeka, ndyaakacaikwa. Wakacaikwa kumusena nkomunya kwikala Satana.

Bene Filipi 1:14

Peculu lya waawo kwaangwa kwangu kwalengesha ayi bamakwesu baanji muli Klistu babe ankusu shakushimikila maswi akwe Lesa cakutaboola pesule akubula boowa.

Milimo ya Batumwi 21:5

Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

Milimo ya Batumwi 5:20

“Kamuya muŊanda yakwe Lesa mukalwiite bantu shintu shoonse shabuumi ubu bupya.”

Milimo ya Batumwi 4:29

Ono bulya Nkambo, amubone mbobatukonga. Anu amutupe nkusu swebo sobasebenshi banu ayi tushimikile maswi anu cakubula boowa.

Milimo ya Batumwi 3:1

Bumwi bushiku Pita aJoni bakaya kuŊanda yakwe Lesa ciindi cakupaila ca 3 koloko malumwi.

Milimo ya Batumwi 2:15

Aba bantu tabakoletweewo kweelana ambomutooyeeya, ceebo licilibo macuunsa.

Luka 22:41

Lyalo Jesu wakabashiya weendakobo paniini wafukama wapaila. Wakaamba ayi,

Luka 14:26

“Muntu uli woonse usuni kuba shikwiiya wangu ulyeelete kusuna ndime kwiinda baishi abanyina, bakaakwe abana bakwe, banandumi abanankashi shakwe, ee, nabi buumi bwakwe mwiine.

Kulumbaisha 86:3

Amunyumfwileko nkumbu noBaami baLesa, mukwiinga ndapaila kuli ndimwe ciindi coonse.

Esila 9:5

“Ono ciindi ca mulambu wa macolesha ndicakashikila, ndakanyamuka apo mpondakalinga kushiite, kaancifwete shakufwala shangu shikwamukite, ndakafukama akutambika maansaangu kwiculu kuMwaami Lesa, Lesa wangu.

2 Makani 6:13

Ono Solomoni wakalinga kupangite kale cakwiimikanawo ca bulonse cakalinga mamita ali 2.2 mumbasu shoonse alimwi amamita ali 1.3 kuya mwiculu. Wakacibika pakati napakati ka lubansa lwa Ŋanda yakwe Lesa. Lyalo wakatanta pacakwiimikanaawo ico, wafukama pameenso a bantu boonse akutambika maansaakwe kwiculu.

1 Baami 8:30

Kamunyumfwila mipailo yangu aya bantu banu bene Isilaeli na balanga kuŋanda yanu pakupaila. Amutukutike kwiculu uko nkomwikala akutulekelela shibiibi shesu.

Danyelo 9:4

Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Maako 3:3

Jesu wakaambila musankwa uyo wakalinga kuyuminite lyaansa ayi, “Kosa kuno kunembo.”