30 Mashiku eenka ayo Beloshasa mwaami wa bene Babiloni wakacaikwa.
Beshikutumwa balikonkenebo, ee, beshinkombe balitungenebo kalongo kuya mukulwiita mwaami wa bene Babiloni ayi ndabala yakwe yakomwa kuswa kweela kuya mukushika ankoyeela.
Ndaakulengesha bacinenenene abasongo bakwe kukolwa. Ndaakulengesha abeendeleshi, bamatanjilili ba bashilumamba abashilumamba babo kukolwa. Kuswawaawo balaakoona cakutabukaawo. Nebo neMwaami ndaamba. Nebo ndime Mwaami Lesa Shinkusu shoonse.
Ono kabacinyumfwite nsala, ndaakubabambila kusekelela akubalengesha kukolwa cakwaamba ayi bakanoosekabo micelo. Kuswawaawo balaakoona cakutabukawo tubili.
Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.
Sombi buumba bwa mishobo yobilo bulaakumucata paciindi comwi alimwi mubushiku bomwi. Ee, buumba bwakufwitwa baana abwakuba mukalubinje. Shintu ishi shilaakukushikila cankusu nakubi kwaamba ayi ulicite shisoko abwaanga nshoosebensesha.
Ndakakuteya koose webo ocishi ca Babiloni, awebo wakacatwa kootana kwishiba. Wakacanwa akucatwa ceebo wakalwana ndime neMwaami Lesa.
Ncakwiila mwebo mulaakuba pakati ka baabo beshi bakataangune kuya mubusha. Lyalo kusekelela akwikala pashuuna shibotu kulaakumana.
