Danyelo 4:19 - Baibo Busansulushi Bwa Libuku Ili

¹⁹ Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 4:19 교차 참조

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Danyelo 4:24

“Nobaami, anu cili anga nciloto ici cilaamba bobulya alimwi nceeci Mwaami Lesa wa kwiculu Wiindaawo ncaamba pali ndimwe nkambo:

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

1 Samwelo 3:17

Eli wakeepusha ayi, “Ino Mwaami Lesa wakulwiitanshi? Utashisi. Lesa utookupa mulandu unene na ushise cimwi cili coonse kuli ndime.”

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Danyelo 7:15

“Nebo neDanyelo, shili anga nshiloto nshendakabona shakankankamika akumpensha abuumbi mumoyo.

Danyelo 5:12

Liina lyakwe musankwa uyo nguDanyelo, sombi mwaami Nebukadinesa wakamutumba lya Beloteshasa. Musankwa uyo wakacanika ayi ulicite maano akankamika, lushibo alimwi amaano akunyumfwishisha shintu. Ulakonsha kusansulula shiloto, kulabulula tushimpi alimwi ulakonsha kusansulula shishisitwe. Amwiitebo Danyelo, utoomulwiita malembo aya ncaamba.”

Danyelo 2:26

Mwaami wakeepusha Danyelo uyo wakalinga kwiitwa liina lya Beloteshasa ayi, “Sa inga wandwiita ncindakalota ambocaamba?”

Danyelo 1:7

Wacinenenene munene uyo wakabapa meena amwi. Danyelo wakatumbwa ayi Beloteshasa, Ananiya wakatumbwa ayi Shadileki, Mishaelo wakatumbwa ayi Mishaki aAsaliya wakatumbwa ayi Abedinego.

Jelemiya 29:7

Kuswawaawo muyandoole luumuno akuswitilila kwa ndabala iyo njendakamutolaako busha. Amumpaile kuli ndime neMwaami Lesa pandabala iyo ceebo na ikaswitilile, amwebo mulaakuswitilila.’

1 Baami 18:7

Obadiya ndyaakalinga kuya bweenda, wakakumanya Elija. Wakamwishiba, mpeeke wakafukama panembo lyakwe, akwiipusha ayi, “Sa ncakwiila ndimwe nkambo?”

1 Samwelo 26:15

Defedi wakaamba ayi, “Abina te ndiwebo ngobashoma muIsilaeli? Ono waalilwa buyani kulama ukulela, mwaami wako? Muntu umwi walingaako coonoonobo uko kwisa mukucaya ukulela uyo?

1 Samwelo 24:8

Mpomunyaawo Defedi wakaswa mucimfwengo akoolobesha kuli Saulo ayi, “Nkambo nobaami bangu!” Saulo ndyaakalanga kwisule, Defedi wakamufukamina cakushisha ciwa panshi mukumulemeka.

1 Samwelo 1:15

Sombi lakwe wakakumbula ayi, “Sobwe, nshikoletweewo nkambo. Nshindalinga kunwa! Kuli ncindapenga. Aboobo ndalinga kupaila ayi mbike mapensho angu kuMwaami Lesa.

Kulonga 32:32

Ndakombelela amubalekelele. Sombi na mubule kubalekelela, mukushe liina lyangu mulibuku umo momwakalemba meena a bantu banu.”

Matalikilo 32:18

ulyeelete kukumbula ayi, ‘Nsha musebenshi wanu Jakobo. Watumina Esau mwaami wakwe ayi ncipo. Jakobo mwiine utoosa mwisule lyesu.’ ”

Matalikilo 31:35

Mpomunyaawo Lakelo wakaambila baishi ayi, “Mutakalali nkambo, nshikoonshi kunyamuka kamuliiwo mukwiinga ndakubala.” Labani wakalangoola, sombi taakwe kucana balesa ba muŋanda yakwe.

Matalikilo 40:12

Josefu wakaamba ayi, “Cilaamba bobulya, misampi yotatwe ninshiku shotatwe.

Danyelo 2:37

Mwebo nobaami muli baami ba bamaami. Lesa wa kwiculu wakamupa bulelo, nkusu shoonse alimwi abulemu.

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Danyelo 5:19

Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.