Danyelo 2:21 - Baibo Busansulushi Bwa Libuku Ili

²¹ Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 2:21 교차 참조

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Jobo 12:18

Ulaakusha bamaami pabwaami bwabo alimwi akubalengesha kuba basha.

1 Baami 4:29

Lesa wakapa Solomoni busongo, kunyumfwishisha kwa shintu shoonse alushibo luteelekwa.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

Kulonga 31:3

alimwi ndamwisusha Mushimu wangu. Ndamupa lushibo, maano alimwi abusongo bwa pabuyaki buli boonse.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Danyelo 2:9

na mubule kundwiita ciloto cangu mbocalinga ntoomupa mulandu womwi. Mwebo noonse mwasuminishanya kumbeca ayi mpashi shintu shitooba kabotu. Ono bulya amundwiite ciloto mbocalinga, lyalo ntooshiba ayi anu inga mwakonsha kundwiita mbocaamba.”

1 Makani 22:12

Mwaami Lesa, Lesa wako aakupe lushibo abusongo kwaamba ayi ukalele kabotu cishi cino ca Isilaeli kweelana aMilawo yakwe.

1 Baami 10:24

Bamucishi coonse ca panshi bakalinga kusuni kuya mukunyumfwa busongo ubo Lesa mbwaakamupa.

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Danyelo 11:6

Paakwiinda myaaka iinji, mwaami wa bene Ijipiti ulaakusuminishanya amwaami wa bene Silya ayi banoomucafwa munkondo. Mwaami wa bene Ijipiti ulaakweebesha mwanaakwe kumwaami wa bene Silya. Sombi kusuminishanya uko teshi kukayewo kulaale. Lyalo mwanakashi uyo, ibaye, mwanaakwe alimwi abasebenshi abo bakayaakwe, boonse balaakumana kucaikwa.

1 Makani 29:30

Makani ayo alaamba mbwaakalela, mbwaakalinga mwaami shinkusu, shintu shoonse shakacitika kuli nguwe, kubene Isilaeli alimwi akumalelo akalinga kumushingulukite.

Kulonga 31:6

Ndasala aOolyabu mwanaakwe Ayisamaki, wa mumukowa wakwe Dani kwaamba ayi asebense aBesalelo. Alimwi ndapa busongo bunene kubacishi milimo boonse, kwaamba ayi bapange cili coonse ncendaamba

Esita 1:13

Mbuli mbwaakalinga kushibite pashikani shakalinga kukuma kumilawo akoombolosha kululeme, mwaami wakeeta beshikumupandako maano kwaamba ayi bamulwiite mbwaaelete kucita.

Bene Loma 13:1

Muntu uli woonse ulyeelete kunyumfwila beendeleshi ba cishi ceebo taaku muntu ucite nkusu shakweendelesha shitakwe kuswa kuli Lesa. Beendeleshi boonse baliiwo, nguLesa wakabasala.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 2:20

mukwaamba ayi, “Aalumbaishikwe Lesa kwalyoonse alyoonse, Ncakwiila ulicite busongo ankusu shiinji.

Danyelo 2:23

NobaLesa ba bamashali bangu bakulukulu, ndamulumba akumulumbaisha. Mwebo mwampa busongo alimwi ankusu. Mwambonesha cintu ico ncetwamusenga. Ncakwiila mwatubonesha ciloto ca mwaami.”

Danyelo 10:1

Mumwaaka watatu wa bwaami bwakwe Sailasi mwaami wa bene Pesha, Danyelo uyo wakalinga kwiitwa ayi Beloteshasa wakayubulwitwa makani kuswa kuli Lesa. Makani ayo akalinga alushinisho alimwi akalinga kwaamba pankondo iyoosha. Makani ayo akesa kuli nguwe mucili anga nciloto.

Danyelo 4:14

Shinkombe uyo wakoolobesha ayi, ‘Amutimbule cisamu ico, amusaboole misampi ya ncinco, amucipulule matewu akusoweela shisepo sha ncico. Amulengeshe banyama kucica kuswa munshaancico alimwi abayuni kuulukaamo.

Danyelo 4:22

mwebo nobaami ndimwe cisamu ico! Mwebo mwasumpuka akushimpa. Kusumpuka kwanu kwatolelela cakushikabo amwiculu mwiine alimwi bwaami bwanu bulikumenebo cishi ca panshi coonse.