Danyelo 2:18 - Baibo Busansulushi Bwa Libuku Ili

¹⁸ Wakabaambila kwaamba ayi basenge nkumbu kuli Lesa wa kwiculu ayi abasansulwite cintu ico cishisitwe. Wakacita boobo kwaamba ayi lakwe ababye batacaikwi pantu pomwi abeshikupandaako maano bamwi ba muBabiloni.

Danyelo 2:18 교차 참조

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Mateyo 18:19

“Ntoomulwiita alimwi ayi na bobilo pakati kanu pacishi ca panshi basuminishanya pacintu ncebatoosenga, baTa bali kwiculu balaakubacitila.

Mateyo 18:12

“Ino mutooyeeya buyani? Na muntu kaacite mbelele mwaanda, ono yomwi yasoweka, sa inga taashiyi sheesho shili makumi osanwe aone alimwi ashosanwe ashone mutulundu, akuya mukuyandoola yeeyo yasoweka?

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Isaya 37:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”

1 Samwelo 17:37

Mwaami Lesa uyo wakamfuna kunkalamu abasuntwe banene, utoomfuna akumwine Filisiti ulya.” Lyalo Saulo wakaambila Defedi ayi, “Ncibotu, koya alimwi Mwaami Lesa abe awebo.”

Matalikilo 18:28

Cimwi ciindi inga kamulibo bali makumi one abosanwe batacite milandu kuteshi bali makumi osanwe. Sa mutoonyonyoola ndabala ceebo ca bosanwe babulila?” Mwaami Lesa wakakumbula ayi, “Teshi nyonyoole ndabala na ncaneemo bali makumi one abosanwe batacite milandu.”

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

Bene Loma 15:30

Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila.

Milimo ya Batumwi 12:4

Pita ndyaakaangwa bakamubika muntolongo umo mwakalinga kulamwa atukoto tone twa bashilumamba. Tukoto uto twakalinga kucite bantu bone bone abo bakalinga kukomboshanya paciindi ceelene. Elodi wakalinga kusuni kumoomboloshesha pameenso a bantu bwaakwiinda bushiku bwa Pasika bwakwiibaluka kusotokela.

Danyelo 3:17

Na mukatuwaale mumunyumbi mutoonyaka mulilo uyoosha, Lesa uyo ngotulambila ulakonsha kutufuna kuswa mumulilo uyo. Ncakwiila nobaami, ulaakutufuna kuswa mumaansaanu.

Esekelo 36:37

Mwaami Lesa Shinkusu shoonse waamba ayi, “Ndaakunyumfwa kusenga kwa bene Isilaeli akubacafwa. Ndaakubafusha anga nimbelele,

Danyelo 2:23

NobaLesa ba bamashali bangu bakulukulu, ndamulumba akumulumbaisha. Mwebo mwampa busongo alimwi ankusu. Mwambonesha cintu ico ncetwamusenga. Ncakwiila mwatubonesha ciloto ca mwaami.”

Danyelo 4:26

Ico shinkombe ncaamba ayi cisamu citimbulwe akushiyabo cishiki cilaamba ayi bulelo bwanu bulaakubooshekwa mumaansaanu mwaakumana kusumina ayi Lesa wa kwiculu ngoolela panshi.

Jona 1:9

Jona wakakumbula ayi, “Ndi muEbulu. Ndalambila Mwaami Lesa, uli ngoLesa wa kwiculu uyo wakalenga inshi alweenge.”

Kulumbaisha 136:26

Amulumbe Lesa wa kwiculu, ee, mukwiinga lusuno lwakwe ndwamuyayaya.