Danyelo 12:1 - Baibo Busansulushi Bwa Libuku Ili

¹ Mpeeke munjelo uyo wakalinga kufwete nsalu iteshimite wakaamba ayi, “Paciindi ico Mikaeli munjelo munene uyo ulama bene mishaanu ulaakunyamuka. Kulaakuba ciindi ca mapensho ico citana kubonekawo kale kuswa kumatalikilo amishobo kushikila asunu. Nakubi boobo paciindi ico, bene mishaanu boonse bacite meena alembetwe mulibuku lyakwe Lesa, balaakupulushikwa.

Danyelo 12:1 교차 참조

Jelemiya 30:7

Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Mateyo 24:21

Mukwiinga mapensho eshi akabeeko ciindi ico taakwe kubonekawo kale, kuswabo Lesa ndyaakalenga cishi ca panshi kushikila asunu. Ncakwiila teshi akabooleewo.

Maako 13:19

Mukwiinga mapensho eshi akabeeko ciindi ico taakwe kubonekaawo kale, kuswabo Lesa ndyaakatalika kulenga cishi ca panshi kushikila asunu. Ncakwiila teshi akabooleewo.

Danyelo 10:13

Munjelo munene wa bulelo bwa bene Pesha wakandwana kwanshiku makumi obilo abushiku bomwi. Lyalo Mikaeli, munene womwi wa baanjelo, wakesa mukuncafwa mukwiinga muPesha ndakalinga ndacaalamobo neenka.

Ciyubululo 12:7

Mpomunyaawo kwakabuka nkondo kwiculu. Mikayelo alimwi abaanjelo mbwaakalinga kweendelesha bakatalika kulwana shinshimwe. Alakwe shinshimwe abaanjelo bakwe bakalwanaabo.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 3:5

Uyo weshi akakome bubi ulaakufwala shakufwala shituba mbomunya ubo alimwi liina lyakwe teshi nkalifuute mulibuku lya buumi. Ndaakwaamba patuba ayi ulakonkela ndime pameenso abaTa abaanjelo babo.’

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Judi 1:9

Nabi munene wa baanjelo Mikayelo, ndyaakalinga kupikishanya aMubiibi pacikani cakubwesa mutuntu wakwe Mose, taakwe kupa mulandu Mubiibi ulya camucobwe, sombi wakaambabo ayi, “Mwaami Lesa akupe mulandu!”

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Bene Efeso 1:21

Klistu wakabikwa pamusena wa bulemu kwiinda beendeleshi boonse ba kwiculu, bamatanjilili, beshinkusu alimwi abamaami. Ulicite liina lya bulemu ankusu kwiinda pameena oonse muciindi cino nabi muciindi citoosa.

Bene Loma 11:26

Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi, “Mupulushi ulaakuswa kuSiyoni, alimwi ulaakulekelela bubi boonse bwa bene Isilaeli.

Esekelo 13:9

Ndaakupa mulandu balaluki beshikubona shili anga nshiloto shabubeshi alimwi akulaluka shintu shakucenjeeka. Teshi bakanoobaako bantu bangu na babungana ayi bapange miyeeyo nabi kulembwa pamundando wa meena a bamumushobo wa bene Isilaeli. Teshi bakapilukewo tubili mucishi ca Isilaeli. Lyalo ndyeshi mukeshibe ayi nebo ndi Mwaami Lesa.’

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Isaya 4:3

Bantu boonse beshi bakacaale muSiyoni, ee, muJelusalemu, balaakunokwiitwa ayi balisalalite.

Kulumbaisha 69:28

Meena abo akakushikwe mulibuku lya boomi. Mutakabaleembiwo tubili mumundando wa baluleme.

Kulumbaisha 56:8

Matongooshi angu amwaalembe, Amulembe shaminsonshi yangu mulibuku lyanu. Sa te shoonse shililembetwe mulibuku lyanu?

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Bene Loma 11:15

Ono Lesa ndyaakabakaka, wakalengesha ayi abantu bamwi boonse bamucishi babe beshicibusanyina. Mukwiinga na boonse bakatambulwe, cilaakubabo bweenka mbuli kubuka kuswa kubafu.

Danyelo 11:45

Ulaakuyaka amatente akwe a bwaami pakalundu apo pali Ŋanda yakwe Lesa. Sombi ulaakufwa kwakubula nabi womwi uko umucafwa.”

Esekelo 34:24

Nebo neMwaami Lesa ndaakuba Lesa wa nshisho alimwi mwaami wamulunyungu lwakwe Defedi musebenshi wangu ulaakunooshilela. Nebo neMwaami Lesa ndaamba.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

Esekelo 5:9

Ceebo ca shibumbwabumbwa shanu shilensha bunya, ndaakumucita nceentana kucitawo kale alimwi teshi nkacicitewo tubili.

Danyelo 7:10

Mulonga wa mulilo wakalinga kukunka, ee, kukunka kuswa muli ncico kuya kunembo lyakwe. Kwakalinga shuulu ashuulu sha baabo bakalinga kumusebensela. Kunembo lyakwe kwakalinga kwiimfwi bantu baanji cakutabelengeka. Nkuta yakatalika amabuku akacalulwa.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.