Danyelo 11:23 - Baibo Busansulushi Bwa Libuku Ili

²³ Cipangano caakumana kupangwa anguwe, teshi akashomeke kucipangano ico. Lyalo ulaakuba ankusu shakulela kaacitebo bantu baniini.

Danyelo 11:23 교차 참조

Danyelo 8:25

Ono ceebo cakwaamba ayi ulaakunoocenjete abuumbi, ulaakuswitilila munshila shakwe shakubeca. Ulaakulisumpula akunyonyoola bantu baanji cakutabacenjesha. Ulaakunyansha aMuleli wa baleli boonse, sombi ulaakunyonyoolwa cakubula kusebenseshawo nkusu shabuntu.

2 Bene Tesalonika 2:9

Muntu Mubiibi ulya ulaakuyubuluka ankusu shakwe Satana. Ulaakucita shaankamiko sha mushobo uli woonse ashitondesho shabubeshi

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

Tushimpi 11:18

Bamucita shibi taaku mpindu njebapekwaawo, sombi bacita shiluleme balapekwa shilambu.

Kulumbaisha 52:2

Lilaya mukwipila ncito webo nkunooyeeyabo shakunyonyoola bamwi. Mulaka wako ulikolete anga nkalesala, ee, ceebo cakubeca lyoonse.

Matalikilo 34:13

Ono ceebo cakwaamba ayi Shekemu wakalinga wasebaanya Daina nankashi yabo, bana bakwe Jakobo basankwa bakakumbula Shekemu abaishi baAmo cakuleya.

Danyelo 11:22

Ulaakucaya likoto lya bashilumamba linene abuumbi pantu pomwi amupailishi munene wakwe Lesa.

Danyelo 11:24

Kuswawaawo ulaakulwana shishi shicite bubile buunji kashiliibite alimwi ulaakukonsha kucita shintu isho baishi nabi bamashali bakwe bakulukulu nshebatakwe kucitaawo. Lyalo ulaakubaanya buboni ubo mbweshi akasaale munkondo kubantu bakwe. Pesule ulaakupanga muyeeyo wakukonsha kulwana mandabala acite malinga, sombi cilaakucitikabo kwaciindi ciniini.

Danyelo 8:24

Ulaakuba abulemu, sombi kuteshi kwiinda munkusu shakwe mwiine. Ulaakulengesha kunyonyooka kuyoosha akuswitilila mushintu shoonse nsheshi akacite. Ulaakunyonyoola beshinkusu alimwi abantu bakwe Lesa.