Ciyubululo 7:15 - Baibo Busansulushi Bwa Libuku Ili

¹⁵ Nceceeco ncebeemikanina kunembo lya cuuna ca bwaami cakwe Lesa alimwi balamusebensela malumwi amashiku muŋanda yakwe. Uyo ushiite pacuuna ca bwaami ulaakwikala ambabo alimwi akubalama.

Ciyubululo 7:15 교차 참조

Ciyubululo 22:3

Mundabala iyo teshi mukacanike cintu nabi comwi ico Lesa ncaakashingana. Cuuna ca bwaami cakwe Lesa alimwi aMwanaambelele cilaakunooli mundabala inene iyi, mpeeke basebenshi bakwe balaakumulambila.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

1 Makani 23:25

Ceebo Defedi wakaamba ayi, “Mwaami Lesa, Lesa wa bene Isilaeli wapa luumuno kubantu bakwe alimwi lakwe mwiine ulanookala muJelusalemu lyoonse alyoonse.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.

Ciyubululo 11:19

Mpomunyaawo Ŋanda yakwe Lesa yakacaluka kwiculu, aLibokoshi lya Cipangano lyakaboneka nkomunya uko. Lyalo kwakatalika kubeka kwa mfula, kunyumfwika ciyobeyobe alimwi ashilulumo. Kwakaba citentanshi alimwi amfuula ya mabwe inene.

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.

Ciyubululo 4:4

Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.

Bene Ebulu 8:1

Makani eene eene ngakwaamba ayi tulicite Mupailishi Munene wa mbuli wooyu, uyo ushiite kululyo lwa cuuna ca bwaami cakwe Lesa Wiindaawo kwiculu.

1 Bene Kolinto 3:16

Sa tamwishi kwaamba ayi mwebo muli Ŋanda yakwe Lesa alimwi ayi Mushimu wakwe Lesa ulekala muli ndimwe?

1 Baami 6:13

Ndanookala pakati ka bantu bangu beene Isilaeli muŊanda yangu iyi njewanjakila, alimwi teshi nkabasuuleewo.”

Kulonga 29:45

Lyalo ndaakwikala pakati ka bene Isilaeli akuba Lesa wabo.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Bene Lefi 26:11

Nebo ndaakunokala pakati kanu muTente yangu ya Cipangano alimwi teshi nkamufutatileewo.

Esekelo 37:27

Ndaakunookala pakati kabo. Ndaakuba Lesa wabo, abalo balaakuba bantu bangu.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

Ciyubululo 4:9

Ono na shilengwa shuumi ishi shone shapa bulemu, mucinshi alimwi akulumba kuli wooyo wakalinga kushiite pacuuna ca bwaami, muumi lyoonse alyoonse,

Ciyubululo 13:6

Mpomunyaawo wakatalika kucobola Lesa, liina lyakwe, musena ngweekalaako alimwi abaabo boonse bekala kwiculu.

Ciyubululo 21:22

Mundabala inene iyo, nshikwe kubona Ŋanda yakwe Lesa, mukwiinga ŋanda ya njiyo nguMwaami Lesa Shinkusu shoonse mwiine alimwi aMwanaambelele.