Ciyubululo 21:10 - Baibo Busansulushi Bwa Libuku Ili

¹⁰ Mpomunyaawo Mushimu Usalashi wakantanjilila, alakwe munjelo uyo wakantola peculu pakalundu kanene kalaamfu. Lyalo wakambonesha ndabala inene isalalite ya Jelusalemu keeswa kwiculu kuli Lesa.

Ciyubululo 21:10 교차 참조

Ciyubululo 21:2

Ndakabona andabala inene isalalite ya Jelusalemu keeswa kwiculu kuli Lesa. Yakalinga kubambitwe, anga ngumwanakashi utokweebwa uyo walibambila kuya kuli ibaye.

Esekelo 11:24

Lyalo mucili anga nciloto ico, Mushimu wakwe Lesa wakanyamuna akumboosha kubaabo bakatolwa mubusha bakalinga kuBabiloni. Pesule cili anga nciloto ico cakashimingana.

Ciyubululo 17:3

Mpomunyaawo Mushimu Usalashi wakantanjilila, alakwe munjelo wakantola kuluyanga. Nkomunya uko ndakabona mwanakashi kaashiite pamunyama usalalabo pyu. Pamubili wa munyama uyu woonse pakalinga kulembetwe meena a mucobwe kuli Lesa. Wakalinga kucite mitwi yosanwe ayobilo alimwi ameeca ali likumi.

Ciyubululo 1:10

Pabushiku bwa Mwaami, ndakesushikwa aMushimu Usalashi, lyalo ndakanyumfwa liswi linene kwisule lyangu, anga nkulila kwa lupeenga.

Milimo ya Batumwi 8:39

Ndibakaswa mumaanshi, Mushimu wa Mwaami wakanyamunawo Filipo. Kuswawaawo mweendeleshi uyo taakwe kumubonaawo alimwi, sombi wakatolelela lweendo lwakwe kaasangalete.

Esekelo 11:1

Mpeeke Mushimu wakwe Lesa wakanyamuna akuntola kumwinjililo wa Ŋanda ya Mwaami Lesa wakalinga kulangite kwicwe. Ono kumulyango wa mwinjililo kwakalinga basankwa bali 25. Pakati kabo ndakabonawo Jaasaniya mwanaakwe Asuli alimwi aPelatiya mwanaakwe Benaya abo bakalinga bamatanjilili ba bantu.

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Ciyubululo 4:2

Paciindi ceenka ico ndakatanjililwa aMushimu Usalashi. Kwiculu uko, ndakabona cuuna ca bwaami kapashiite umwi.

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

2 Baami 2:16

akwaamba ayi, “Swebo tuli makumi osanwe alimwi soonse tuli bayumu. Amutusuminishe tuye tulangoole mwaami wanu. Mpashi Mushimu wa Mwaami Lesa wamutola pakalundu kamwi nabi mucinyika cimwi.” Elisha wakakumbula ayi, “Sobwe mutayi.”

Bene Galatiya 4:26

Sombi Jelusalemu ya kwiculu iyo yaangulukite, ngonyinawesu.

Ciyubululo 3:12

Uyo weshi akakome, ndaakulengesha ayi akabe licinko lya muŊanda yakwe Lesa wangu alimwi teshi akasweemo. Pali nguwe ndaakulemba liina lyakwe Lesa wangu alimwi alya ndabala inene yakwe Lesa wangu, nkokwaamba ayi Jelusalemu ipya, iyo njeshi ikaswe kwiculu kuli Lesa wangu. Ndaakulemba aliina lyangu lipya pali nguwe.’

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.