Ciyubululo 20:12 - Baibo Busansulushi Bwa Libuku Ili

¹² Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 20:12 교차 참조

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Danyelo 7:10

Mulonga wa mulilo wakalinga kukunka, ee, kukunka kuswa muli ncico kuya kunembo lyakwe. Kwakalinga shuulu ashuulu sha baabo bakalinga kumusebensela. Kunembo lyakwe kwakalinga kwiimfwi bantu baanji cakutabelengeka. Nkuta yakatalika amabuku akacalulwa.

Shikushimikila 12:14

Ceebo Lesa ulaakoombolosha micito yoonse, kubikaawo ashintu shicitwa mubushishi, ncakwiila micito ibotu nabi ibiibi.

Ciyubululo 22:12

Jesu utokwaamba ayi, “Amubone, ntoofwambaana kuboola! Ndaakuletelela ashilambu shangu shakwisa mukupa muntu womwi awomwi kweelana anshaakacita.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Ciyubululo 11:18

Bantu bakunsengwe bakakalala abuumbi, ono ciindi cakubonesha bukali bwanu aciindi cakoombolosha bafu cashikila. Ee, ciindi cakupa shilambu kubasebenshi banu, balaluki alimwi abantu banu boonse abo bamulemeka, bantubo alimwi abalemekwa boonse cashikila. Ciindi cashikila cakwaamba ayi munyonyoole baabo boonse banyonyoola cishi ca panshi!”

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Ciyubululo 3:5

Uyo weshi akakome bubi ulaakufwala shakufwala shituba mbomunya ubo alimwi liina lyakwe teshi nkalifuute mulibuku lya buumi. Ndaakwaamba patuba ayi ulakonkela ndime pameenso abaTa abaanjelo babo.’

Ciyubululo 20:13

Lweenge alwalo lwakakusha bafu bakalinga muli ndulo. Lufu alimwi amusena wa bafu ashalo shakakusha bafu bakalinga muli nshisho. Boonse bakoomboloshekwa kweelana amicito yabo.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Milimo ya Batumwi 24:15

Ntoolangila muli Lesa, bweenka mbuli mbobalangila aba, ayi bantu boonse bali kabotu abatabete kabotu pameenso akwe Lesa, balaakubuka kuswa kubafu.

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

Kulumbaisha 28:4

NobaLesa amubalambule kweelana amicito yabo, ncakwiila kweendelana akubica kwa milimo yabo. Amubacitile kweelana abweelete shintu nshebacita, ee, kubabooshesha cilambu ncebeelete kupekwa.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 19:5

Lyalo kucuuna ca bwaami kwakanyumfwika liswi lyakwaamba ayi, “Atulumbaishe Lesa, mwebo nobasebenshi bakwe alimwi abantu boonse, balemekwa alimwi abantubo, noonse nomumulemeka!”

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Tushimpi 24:12

Na waamba ayi, “Taaku ncendakalinga kubwene,” sa uyo ubona mumyoyo ya bantu taaku nceeshi? Sa uyo ulama buumi bwako taaku ncaabwene? Sa teshi akalambule muntu kweelana amilimo yakwe?

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Bene Loma 2:6

Ceebo Lesa ulaakulambula muntu woonse kweelana amilimo yakwe.

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Ciyubululo 17:8

Ulya munyama ngowabona, wakalinga muumi, sombi bulya teshi muumi. Uli pafwaafwi kuswa mucilindi citeeli kwaamba ayi akaye akanyonyoolwe. Bantu boonse bali mucishi ca panshi, abo bacite meena atakwe kulembwa mulibuku lya buumi kuswa kumatalikilo a cishi, balaakukankamana pakubona munyama uyu. Kale kale, munyama uyu wakalinga muumi, sombi bulya teshi muumi, nakubi kwaamba ayi ulaakuboneka alimwi.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

Tushimpi 24:29

Utaambi ayi, “Anebo ntoomucita bweenka mbwaakancita. Ncakwiila ntooboosha cishole kuli nguwe pashintu nshaakancita.”

Kulumbaisha 69:28

Meena abo akakushikwe mulibuku lya boomi. Mutakabaleembiwo tubili mumundando wa baluleme.

Mateyo 11:22

Ntoomwaambila calushinisho ayi pabushiku bwakoomboloshekwa Lesa ulaakumupa mulandu unene kwiinda Taya aSidoni!

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.