Ciyubululo 14:6 - Baibo Busansulushi Bwa Libuku Ili

⁶ Mpomunyaawo ndakabona munjelo aumwi kaauluka mwiculu mwiine mwiine. Wakalinga kucite makani abotu atamaani kwaamba ayi akashimikile bantu ba mucishi ca panshi, kubantu bacite shikanda shipusenepusene, mikowa yoonse, milaka yoonse alimwi akumishobo yoonse.

Ciyubululo 14:6 교차 참조

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Ciyubululo 8:13

Mpomunyaawo ndakalangilisha akunyumfwa mumbankwashi wakalinga kuuluka mwiculu, kaaolobesha ayi, “Mapensho! Mapensho! Mapensho kubantu ba mucishi ca panshi ceebo ca sheesho sheshi shikacitike na baanjelo botatwe aba bacaala bakalishe mapeenga abo!”

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.

Isaya 51:8

Balaakunyonyookabo anga ncakufwala calikwa muswa. Sombi lupulusho lwangu ndwalyoonse alyoonse alimwi kufuna kwangu teshi kukeelebo waawo peenka, sobwe.”

Isaya 51:6

Ono amulange kwiculu, mulange apacishi ca panshi. Liculu lilaakushiminganabo anga mbwiishi. Cishi ca panshi cilaakusansookabo anga ncakufwala abalo abo bekalaamo, balaakumana kufwabo anga mbaloonshi. Sombi lupulusho lwangu ndwalyoonse alyoonse alimwi kufuna kwanu teshi kukeelebo waawo peenka, sobwe.

Kulumbaisha 139:24

Amubone na ndakonkela nshila shibiibi. Lyalo muntanjilile munshila yanu yamuyayaya.

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

Danyelo 9:21

Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Ciyubululo 13:7

Munyama ngomunya uyo wakasuminishikwa kulwana abashomi akubakoma. Wakapekwa ankusu shakweendelesha mikowa yoonse, mishobo yoonse, milaka yoonse alimwi abantu bacite shikanda shipusenepusene.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Mateyo 10:27

Isho nshentoomulwiita mumunshinshe mukashaambe lumwi lubala, asheesho nshemunyumfwa kumapela mukashaambile pameenso a bantu.

Ciyubululo 10:11

Mpomunyaawo ndakalwiitwa ayi, “Ulyeelete kushimikila makani akwe Lesa alimwi aamba shashishi shiinji, mishobo iinji, milaka iinji alimwi abamaami baanji.”

Danyelo 4:1

Kuswa kuli ndime nemwaami Nebukadinesa kubantu bamumishobo yoonse, bashikanda shipusenepusene alimwi amumilaka yoonse mucishi ca panshi. Ndamwaansha noonse.

Esekelo 1:14

Shilengwa isho shakalinga kucicabo anga nkubeka kwa mfula uku akooku.

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Kulumbaisha 119:142

Kululama kwanu nkwamuyayaya. Ayalo milawo yanu njalushinisho.

2 Samwelo 23:5

“Mboboobo Lesa mbweshi akape coolwe bamulunyungu lwangu. Mukwiinga wakapanga cipangano camuyayaya anebo, cililamitwe kabotu alimwi cilaakunoolikobo. Ono nceceecobo nceensunishi, ndolupulusho lwangu, alimwi ndishi kwaamba ayi Lesa ulaakucita ubo.

Isaya 40:8

Bwiisu bulayuma aalo maluba alaloka sombi maswi akwe Lesa wesu alaakunooliikobo kwalyoonse alyoonse.”

Matalikilo 1:6

Ono Lesa wakaamba ayi, “Akube musena ufongomene kwiculu kwaamba ayi upansaanye maanshi.”

Isaya 6:2

Peculu lyakwe pakalinga baSelafu. Womwi womwi pakati kabo wakalinga kucite mapapaminwa ali osanwe alyomwi. Mapapaminwa obilo akalinga kufwekete pameenso, obilo kushimpanta aamwi obilo kaboolukishaako.

1 Pita 1:25

sombi maswi a Mwaami Lesa ananooliikobo muyayaya.” Maswi ayo ngaMakani Abotu ayo ngobakashimikila kuli ndimwe.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Ciyubululo 10:7

Sombi na munjelo wasanu abobilo akalishe lupeenga lwakwe, Lesa ndyeshi akacite kubamba kwakwe kwa bushishi kweelana ambwaakalwiita basebenshi bakwe, balaluki bakulukulu.”