Ciyubululo 1:18 - Baibo Busansulushi Bwa Libuku Ili

¹⁸ Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 1:18 교차 참조

Bene Loma 6:9

Tulishi kwaamba ayi Jesu Klistu wakabushikwa kuswa kubafu alimwi teshi akafweewo. Aboobo lufu talucite nkusu alimwi pali nguwe.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Kulumbaisha 68:20

Lesa wesu, nguLesa upulusha, Mwaami Lesa Shinkusu shoonse ngoolengesha ayi tukonshe kuyuba lufu.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Isaya 22:22

Ndaakumupa cakucalwisha cakwe Defedi. Ico nceenga wacalula taaku weenga wacicala acalo nceenga wacala taaku weenga wacicalula.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Mateyo 16:19

Ndaakukupa shakucalwisha kuBweene bwa kwiculu, aceeco coonse nceshi ukaange pacishi ca panshi, cilaakwaangwa akwiculu, aceeco coonse nceshi ukaangulule pacishi ca panshi, akwiculu koonse cilaakwaangululwa.”

Ciyubululo 20:14

Lyalo lufu alimwi amusena wa bafu shakawaalwa mulweenge lwa mulilo. (Lweenge lwa mulilo ulu ndolufu lwabili.)

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Bene Galatiya 2:20

Ndakapopwa pantu pomwi aJesu pamucilingano. Aboobo buumi ubu mboonkala teshi bwangu, sombi nguKlistu uyo ukala muli ndime. Buumi ubu muli ndime mbwakushoma muMwanaakwe Lesa, uyo wakansuna abuumbi akwaaba buumi bwakwe ceebo ca ndime.

Ciyubululo 4:9

Ono na shilengwa shuumi ishi shone shapa bulemu, mucinshi alimwi akulumba kuli wooyo wakalinga kushiite pacuuna ca bwaami, muumi lyoonse alyoonse,

Bene Ebulu 7:16

Lakwe taakwe kuba mupailishi kwiinda mumilawo yaamba palunyungu mwaakashalwa, sombi wakaba mupailishi kwiinda munkusu sha buumi bwakwe butamaani.

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

Jobo 19:25

Sombi ndishi kwaamba ayi Mupulushi wangu ngumuumi alimwi ayi kumeelelesho ulaakwiimikana pacishi ca panshi.

Ciyubululo 9:1

Mpeeke munjelo wasanu wakalisha lupeenga lwakwe. Lyalo ndakabona nyenyeenshi yakalokela pacishi ca panshi, yakapekwa cakucalwisha mucilindi citeeli.

Joni 14:19

Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi.

Bene Kolose 3:3

Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa.

Kulumbaisha 18:46

Mwaami Lesa ngumuumi! Aalumbaishikwe mwaandami wangu! Aasumpulwe Lesa, Mupulushi wangu!

Ciyubululo 5:14

Mpeeke shilengwa shuumi shili shone shakakumbula ayi, “Ameni!” Lyalo bamaloba abo bakafukama akulambila.

1 Samwelo 2:6

Mwaami Lesa ngooleta lufu akupa buumi. Ulatuma bantu kumusena wa bafu akubapilusha kubuumi.

Jobo 38:17

Sa kuli wakakutondeshawo kale minjililo ya musena wa bafu? Sa mwakabonawo kale milyango ya musena wa munshinshe?

Mateyo 11:23

Awebo Kapenaumu, sa utooyeeya ayi ulaakusumpwitwa kwiculu? Sobwe, ulaakuwaalwa panshi pamusena wa bafu! Mukwiinga shaankamiko isho naakwiinga shakacitilwa muSodoma, naakwiinga ndabala iyi keeciliiwo asunu.

Luka 24:5

Banakashi abo bakaloonda abuumbi akukotamina panshi. Mpeeke basankwa abo bakabeepusha ayi, “Mutoolangwetanshi muntu muumi pakati ka bafu?

Joni 11:25

Lyalo Jesu wakamwaambila ayi, “Ndime mbusha bantu kuswa kubafu alimwi ndime mpa buumi. Aboobo uyo woonse ushoma muli ndime ulaakuba abuumi nabi wafwa.

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

Ciyubululo 6:8

Ndindakalangilisha, ndakabona liaki litubulukite. Uyo wakalinga kutantiteewo liina lyakwe wakalinga Lufu. Lyalo musena wa bafu wakamukonkela pesule. Balo bakapekwa nkusu shakucaya cipansha comwi ca shone ca bantu boonse mucishi ca panshi. Nkusu shabo shakalinga shakucaya kwiinda munkondo, nsala, malwashi alimwi abanyama bakali ba muluundu.

Ciyubululo 10:6

akulumbila muliina lyakwe Lesa muumi kwalyoonse alyoonse, wakalenga liculu, cishi ca panshi, lweenge alimwi ashintu shoonse shiliimo. Munjelo wakaamba ayi, “Ciindi ono camana!

Ciyubululo 15:7

Mpomunyaawo cilengwa cimwi ca shilengwa shone isho shuumi, cakapa baanjelo abo bosanwe abobilo mbale shifongomene sha golodi, kashiswite bukali bwakwe Lesa muumi lyoonse alyoonse.

Ciyubululo 20:13

Lweenge alwalo lwakakusha bafu bakalinga muli ndulo. Lufu alimwi amusena wa bafu ashalo shakakusha bafu bakalinga muli nshisho. Boonse bakoomboloshekwa kweelana amicito yabo.