Boomboloshi 9:15 - Baibo Busansulushi Bwa Libuku Ili

¹⁵ Sombi muumfwa wakakumbula ayi, ‘Na ncakwiila mulisuni ayi mbe mwaami wanu, amwise mookeshe mucimfule cangu. Na mukake, ingayi mulilo utooswa kumiyanda yangu akutenta shisamu sha sida sha kuLebanoni.’ ”

Boomboloshi 9:15 교차 참조

Isaya 30:2

Balaya kuIjipiti cakutanjipushaawo, kuya kuli Falawo mukusenga kutabililwa. Ee, kuya mukuyubila kushimfule sha mucishi ca Ijipiti.

Osiya 14:7

Kutabililwa balaakunookucana kuli ndime alimwi. Balaakunookula anga nshili anga ngamaila Balaakunoosapuka maluba anga ngumunyansa. Balaakunoopukite anga nguwaini wa kuLebanoni.

Isaya 2:13

Ulaakunyonyoola shisamu sha sida shoonse sha kuLebanoni, alimwi amibanga yoonse ya kuBashani.

Boomboloshi 9:20

Sombi na tabwishi, mulilo ubilime kuswa kuli Abimeleki akutenta bantu ba kuShekemu boonse alimwi aba kuBeti Milo. Alimwi mulilo ubilime kuswa kubantu ba kuShekemu aba kuBeti Milo utente Abimeleki.”

Danyelo 4:12

Cakalinga kucite matewu abotu abuumbi alimwi cakacata shisepo shiinji cakukwanisha bantu boonse mucishi. Banyama bamuluundu bakalinga kookeshesha mucimfule ca ncinco. Bayuni bakalinga kuyaka shiinswa mumisampi ya ncico alimwi shilengwa shoonse shuumi shakalinga kulya shisepo sha ncico.

Esekelo 19:14

Mulilo wakayambuka kuswa kumusampi unene umwi wa ncico akutenta shisepo sha cisamu ca munyansa ico. Taaku musampi uyumu wakacaalako uyo wakalinga kweelete kuba nkoli ya muleli. Ulu ndwiimbo lwa buumba. Lulyeelete kwiimbwa muciindi ca kuungumana.”

Isaya 37:24

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

Kulumbaisha 104:16

Shisamu sha Mwaami Lesa shilatililwa cakushikaawo nkokwaamba ayi shisamu sha sida sha kuLebanoni isho nshaakashanga.

2 Baami 14:9

Sombi Jeowashi mwaami wa bene Isilaeli wakakumbula ayi, “Kwakalinga cikupu ca myuumfwa muLebanoni ico cakatuma nkombe kucisamu ca sida ayi, ‘Suminisha mwanaako mwanakashi ayi njebele mwanaangu musankwa.’ Mpomunyaawo munyama wa muluundu wakacilyaatoola cikupu ca myuumfwa cilya.

Shakubelenga 21:28

Kalekale kuswa mundabala iyo ya Eshiboni, bashilumamba bakwe Sioni bakalinga kuya anga ngumulilo. Bakanyonyoola ndabala inene ya Ali muMoabu, alimwi atulundu twa kumatalikilo a Mulonga wa Anoni.

Mateyo 13:32

Nabi nduseke luniini kwiinda nseke shoonse, sombi na lwamena cilaba cisamu cinene kwiinda pambewu shoonse. Lyalo bayuni balesa akupanga shinswa mumisampi ya ncico.”

Esekelo 31:3

Webo uli anga ncisamu ca sida ca kuLebanoni ico cakalinga kucite misampi ibotu yakalinga kupa cimfule cinene pamusaansa woonse. Cakalinga cilaamfu abuumbi kuya mukushika amumakumbi.

Isaya 1:31

Ono bweenka kalilo kaniini mbokatenta bwiisu buyumu, mbweeke ubo beshinkusu mbweshi bakanyonyoolwe kububi bwabo. Ndushinisho taaku weshi akakonshe kumanisha kunyonyooka kwabo.

Boomboloshi 9:49

Aboobo bashilumamba boonse bakatimbula nkuni akukonkela Abimeleki. Bakashibunjika kuŋanda iyo akwiitenta. Lyalo bantu boonse bakalinga muŋanda ilaamfu ya kuShekemu bakafwa. Mwakafwa bantu bali mpashi 1,000 basankwa abanakashi.

Boomboloshi 9:14

“Cakweelaako shisamu shoonse shakaambila muumfwa ayi, ‘Kwesa webo ube mwaami wesu.’

Boomboloshi 9:16

Mpomunyaawo Jotamu wakatolelela kwaamba ayi, “Sa mwakacita cintu cakushomeka alimwi ciluleme pakusala Abimeleki ayi abe mwaami wanu? Sa mwakacita cintu cibotu kuli Gidyoni abamuŋanda yakwe kweelana amilimo yakwe mboyakalinga kweelete?

Kulumbaisha 29:5

Liswi lya Mwaami Lesa lilapasoola shisamu sha sida, Mwaami Lesa ulaponsoola shisamu sha sida sha kuLebanoni.

Boomboloshi 9:44

Mpeeke Abimeleki alikoto ndyaakalingaalyo bakaya mukulindilila kumwinjililo unene wa ndabala. Sombi makoto amwi obilo akaya mukulwana bakalinga mumyuunda akubacaya boonse.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.