Boomboloshi 6:34 - Baibo Busansulushi Bwa Libuku Ili

³⁴ Mpomunyaawo Mushimu wa Mwaami Lesa wakesa pali Gidyoni. Aboobo wakalisha lupeenga kwiita bamucipani cakwe Abiyesa ayi bamukonkele.

Boomboloshi 6:34 교차 참조

2 Makani 24:20

Mpomunyaawo Mushimu wa Mwaami Lesa wakaselukila Sekaliya mwanaakwe Jeoiyada mupailishi. Mpeeke wakeemikana kunembo lya bantu boonse akwaamba ayi, “Lesa utoomwiipusha ayi, ‘Nciinshi calengesha ayi mukake kukonkela milawo yangu? Mwaliletela mapensho pamitwi yanu! Ceebo cakwaamba ayi mwamfutatila, anebo ndamushiya!’ ”

1 Makani 12:18

Mpomunyaawo Mushimu wakwe Lesa wakaselukila Amasayi uyo wakesa mukuba mutanjilili wa bashilumamba bakalinga kwiitwa ayi Makumi Otatwe. Mpeeke wakoolobesha ayi, “Tuli baanu swebo nobaDefedi! Tuli kulubasu lwanu nobana babo baJese! Amuswitilile pantu pomwi abaabo batoomucafwa! Ncakwiila Lesa uli kulubasu lwanu.” Lyalo Defedi wakabatambula akubasuminisha ayi babe bamatanjilili ba bashilumamba bakwe.

Boomboloshi 3:27

Ono ndyaakashika kucishi ca tulundu ca Efuleemu, wakalisha lupeenga kwiita bene Isilaeli ayi baye mukulwana. Lyalo wakabatanjilila kukunkuluka tulundu.

Boomboloshi 3:10

Mushimu wa Mwaami Lesa wakesa pali nguwe. Aboobo wakaba moomboloshi wa bene Isilaeli akubatanjilila kuya kunkondo. Mpeeke Mwaami Lesa wakaaba Kushani Lishataimu mwaami wa kuMesopotamya mumaansa akwe Otiniyelo wamukoma.

Bene Loma 13:14

Tatweelete kubika maano musheesho shiyanda mubili, sombi Jesu Klistu abe nsheshakulwanisha shesu.

Bene Galatiya 3:27

Paceebo ceeco, mwebo nomwakabombekwa akucatana pantu pomwi aKlistu, muli anga mulifwete buumi bwakwe Klistu.

Kulumbaisha 51:11

Mutantandaanyi kuswa kumeenso anu, nabi kunyaya Mushimu wanu Usalashi.

1 Samwelo 16:14

Ono Mushimu wa Mwaami Lesa wakashiya Saulo. Mpeeke muuya ubiibi uyo wakatumwa aMwaami Lesa wakamupensha abuumbi.

1 Samwelo 11:6

Saulo ndyaakanyumfwa boobo Mushimu wakwe Lesa wakamuselukila cankusu, mpeeke wakakalala abuumbi.

1 Samwelo 10:6

Mpomunyaawo cakuteengashila Mushimu wa Mwaami Lesa utookuselukila cankusu, lyalo utoolaluka pantu pomwi ambabo alimwi utooba muntu umbi.

Boomboloshi 15:14

Samusoni ndyaakashika kuLeyi, bene Filisiti bakesa coolobesha kuli nguwe. Mpomunyaawo Mushimu wa Mwaami Lesa wakesa pali nguwe akumupa nkusu. Aboobo wakasutoola ntambo nshaakalinga kwaangitwe mbuli butonje bwacatwa mulilo.

Boomboloshi 14:19

Mpomunyaawo Mushimu wa Mwaami Lesa wakesa pali nguwe akumupa nkusu. Lyalo wakaya kuAshikeloni uko nkwaakacaya bantu makumi otatwe. Wakabanyaya shakufwala shabo shibotu akushipa baabo bakasansulula kashimpi. Kuswawaawo wakaboolela kumishaabo kaakalalite abuumbi.

Boomboloshi 13:25

Lyalo Mushimu wa Mwaami Lesa wakatalika kumupa nkusu kaacili kuMaane Dani, pakati ka Sola alimwi aEshitaoli.

Boomboloshi 8:2

Alakwe wakabakumbula ayi, “Nebo ncendakonsha kucita taciindi ncemwakacita. Sa tamwishi kwaamba ayi mulimo uniini ngomwasebensa mwebo nobene Efuleemu uleendawo bulemu pawooyo wacita bamucipani cakwe Abiyesa boonse?

Boomboloshi 6:11

Mpomunyaawo munjelo wa Mwaami Lesa wakesa akwikala munshaamubanga kuOfula. Mushi uyu wakalinga wakwe Joashi mwine Abiyesa. Ono Gidyoni mwanaakwe Joashi ndyaakalinga kulupula witi mucilindi cakutyaninamo minyansa kuloondesha bene Midyani,

Joshuwa 17:2

Bamumukowa wakwe Manase bamwi bakapekwa cishi ico kumbo lya Mulonga wa Joodani kweelana ashipani shabo. Nkokwaamba ayi Abiyesa, Eleki, Asilyelo, Shekemu, Efeli alimwi aShemida. Anu aba mbobasankwa bamwi bamulunyungu lwakwe Manase mwanaakwe Josefu kweelana ashipani shabo.

Shakubelenga 10:3

Na mwanyumfwa mapeenga obilo oonse alila ciindi cilaamfu, bene Isilaeli boonse balyeelete kubungana kunembo lyako pamulyango wa Tente ya Cipangano.

1 Samwelo 13:3

Jonasani wakacaya mutanjilili wa bashilumamba bene Filisiti muGeba alimwi ici cikani bene Filisiti bakacinyumfwa. Lyalo Saulo wakatuma beshinkombe bakwe ayi baye beete baEbulu kuya kunkondo kwiinda mukulisha lupeenga mucishi coonse.

1 Makani 12:19

Bashilumamba bene Manase bamwi bakaya kuli Defedi uko ndyaakalinga kuya abene Filisiti mukulwana Saulo. Nakubi boobo Defedi abashilumamba bakwe tabakwe kucafwa bene Filisiti mukwiinga bamaami ba bene Filisiti bakaloonda ayi inga baya mukuba kulubasu lwakwe Saulo. Aboobo bakaboosha Defedi kuSikilagi.