Bene Loma 9:30 - Baibo Busansulushi Bwa Libuku Ili

³⁰ Ncetutokwaamba nceeci, baswamashi bakunsengwe tebakalinga kweelesha kulilulamika pameenso akwe Lesa. Sombi Lesa wakabalulamika ceebo bakamushoma.

Bene Loma 9:30 교차 참조

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Bene Galatiya 2:16

Nakubi boobo swebo tulishi kwaamba ayi muntu inga taalulami pameenso akwe Lesa kwiinda mukukonkela Milawo, sombi kwiinda mukushoma muli Jesu Klistu. Aswebo twakashoma muli Jesu Klistu kwaamba ayi tululamikwe pameenso akwe Lesa, kuteshi mukukonkela Milawo. Taaku eshi akalulamikwe kwiinda mukukonkela Milawo.

Bene Loma 4:11

Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

Bene Efeso 2:12

Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Bene Galatiya 5:5

Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.

Bene Loma 10:20

Lesa wakaamba alimwi cankusu kwiinda muli Isaya ayi, “Nebo bakancana, mbantu batakalinga kunyandoola, ndakaboneka kubantu batakalinga kunsenga ayi bamboone.”

Bene Loma 10:6

Ono kweelana acikani cakululamikwa pameenso akwe Lesa kwiinda mulushomo, Malembo akwe Lesa alaamba ayi, “Utaliipushi ayi, ‘Ngani eshi akaye kwiculu?’ ” (Nkokwaamba ayi nkuya mukuleta Klistu panshi.)

Bene Loma 9:14

Ono sa inga twaamba ayi Lesa taaluleme? Sobwe, napaceyi.

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

1 Pita 4:3

Mukwiinga mwakaswaamo kale muciindi cakucita shintu shisuni kucita bakunsengwe. Mwakalinga kwikala buumi bwakutalilemeka, lunkumbwa, bucakolwa, kusekelela kwa bufuule, kusekelela kwakukolwa alimwi akulambila kulensha nsoni kwa shibumbwabumbwa.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

Bene Galatiya 3:24

Nkokwaamba ayi Milawo yakapekwa kuli ndiswe ayi itweendeleshe kushikila Klistu ndyaakesa kwaamba ayi Lesa atululamike kwiinda mulushomo.

Bene Galatiya 3:8

Lesa wakaambila limwi muMalembo akwe ayi ulaakululamika baswamashi bakunsengwe kwiinda mulushomo lwabo. Anu Lesa wakashimikila limwi Makani Abotu kuli Abulaamu kwiinda muMalembo akwe ayi, “Muli ndiwe, Lesa ulaakupa coolwe kumishobo yoonse ya bantu.”

Bene Loma 10:10

Ceebo ulashoma amoyo wako kwaamba ayi ululamikwe alimwi ulalyaambilila amulomo wako kwaamba ayi upulushikwe.

Bene Loma 9:31

Nakubi boobo bene Isilaeli abo bakalinga kweelesha kululamikwa pameenso akwe Lesa kwiinda mukukonkela Milawo, bakaalilwa.

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Bene Loma 4:22

Nceceeco Abulaamu kwiinda mulushomo lwakwe, “Lesa wakamubona ayi uliluleme.”

Bene Loma 4:13

Lesa wakashomesha Abulaamu abamulunyungu lwakwe kwaamba ayi cishi cilaakuba cabo. Ici tacikwe kucitika ceebo Abulaamu wakakonkela Milawo, sombi mukwiinga wakashoma Lesa. Aboobo Lesa wakamubona ayi uliluleme.

Bene Loma 4:9

Sa coolwe cakaamba Defedi cilibo kubaabo bakapalulwa beenka? Sobwe! Abalo batakwe kupalulwa balaba acoolwe, kweelana aMalembo ngotwaswa mukwaamba ayi, “Ceebo cakwaamba ayi Abulaamu wakashoma Lesa, aboobo Lesa wakamubona ayi uliluleme.”

Bene Loma 3:5

Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.)

Tushimpi 21:21

Uyo ukonkela shiluleme alimwi ucite nkumbu, ulacana buumi, bululami abulemu.

Tushimpi 15:9

Mwaami Lesa ulipatite nshila sha mucita shibi, sombi ulisuni muntu ucita shintu shiluleme.