Bene Loma 9:23 - Baibo Busansulushi Bwa Libuku Ili

²³ Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

Bene Loma 9:23 교차 참조

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Bene Efeso 2:10

Ceebo cakuba muli Klistu, Lesa wakalengesha ayi tube mbotubete bulya, kwaamba ayi tucite milimo ibotu iyo Lesa njaakabambilabo limwi ayi twiiciite.

2 Timoti 2:21

Na muntu walisalasha akushiya shintu shitaluleme isho, ulaba mbuli cisebensesho ca ciindi ceelete mukwiinga walyaaba kuMwaami wakwe kwaamba ayi amusebenseshe mumicito ibotu ili yoonse.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

Luka 1:17

Joni ulaakuya kunembo lya Mwaami alimwi ulaakunoocite nkusu mbuli shakalinga kucite mulaluki mukulukulu Elija. Ulaakuleta lunyumfwano pakati ka baana abamaishiwabo alimwi. Ulaakusandula bantu batanyumfwi kwaamba ayi babe amiyeeyo mbuli ya baluleme. Ulaakubamba bantu bakwe Lesa ayi banoolibambite kumusebensela.”

1 Makani 29:18

Ono noBaami baLesa, baLesa bakwe Abulaamu, Isaki alimwi aJakobo bamashali besu bakulukulu, lyoonse amulame kuyandishisha kuli mumyoyo yabo uku akulengesha ayi batolelele kushomeka kuli ndimwe.

1 Bene Tesalonika 5:9

Lesa taakwe kutusala ayi tukabone bukali bwakwe, sombi kwaamba ayi tukapulushikwe kwiinda muMwaami Jesu Klistu.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 8:30

Ono abo Lesa mbaakabika palubasu, mbwaakeeta. Abo mbwaakeeta mbobaabo mbwaakalulamika pameenso akwe. Alimwi abo mbwaakalulamika, mbobaabo mbwaakapako bulemu bwakwe.