3 Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.
Alimwi mulyeelete kwishiba ayi, muntu woonse ushoma muli Jesu ulaangululwa kuswa mushibiibi shoonse, umo Milawo yakwe Mose moyakalinga kwaalilwa kumukusha.
Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”
Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.
Kwiinda mukulibenga linkanda lyomwi, wakalengesha kwaamba ayi abo mbwaasalasha kuswa kushibiibi shabo, banoosalalitebo cancinencine lyoonse.
Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.
Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.
Sa nkokwaamba ayi Milawo ilapikisha sheesho Lesa nshaakashomesha? Sobwe, napaceyuubo! Mukwiinga bantu nebakalinga kuba abuumi kwiinda mukukonkela Milawo, naakwiinga muntu woonse wakalulamikwa pameenso akwe Lesa kwiinda mukukonkela Milawo iyo.
Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?
Ceebo taaku muntu ululamikwa pameenso akwe Lesa kwiinda mukucita bwaamba Milawo. Sombi Milawo ilalengeshabo bantu kwishiba ayi babisha.
Ono mukwiinga baana aba mbantu bacite mibili alimwi abulowa, alakwe Jesu mwiine wakaba muntu mbuli mbabo. Wakacita boobo kwaamba ayi kwiinda mulufu lwakwe anyonyoole Mubiibi uyo ucite nkusu shakucaya.
Wakaliceesha camaansa obilo, akulibika muciimo cabusha akushalwa mbuli bantu boonse.
Sombi Klistu lakwe wakalibengabo linkanda lyomwi ayi abe mulambu wakukusha shibiibi. Mulambu uyu ulicite nkusu lyoonse. Ndyaakamana kulibenga, wakaya mukwikala kululyo lwakwe Lesa.
Tatucite Mupailishi Munene utakoonshi kutunyumfwila nkumbu mukulefuka kwesu. Mupailishi wesu wakasunkwa munshila shoonse bweenka mbotusunkwa. Sombi lakwe taakwe kubishaawo.
Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.
Necalinga kukonsheka, naakwiinga nebo ndasumina ayi Lesa anshingane akumpansaanya aKlistu mumusena wa bene misheesu.
Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.
Bakamwiita lwabili musankwa uyo wakashalwa kaali moofu akumwaambila ayi, “Lemeka Lesa, waambe calushinisho mukwiinga swebo tulishi kwaamba ayi muntu uyo wakakushilika ngumucita shibi.”
Jesu bakamupopa pakati pamicilingano ya beepi bobilo, umwi kulyaansa lyalulyo aumwi kucipiko. [
Kuswawaawo bakeelikeewo ampongo isankwa ayi ngumulambu wakulekelelwa shibiibi mukusalasha bantu kweelana aMilawo.
Ndishi kwaamba ayi moyo wangu tookoonshi kunengesha kucita cintu cibotu mubuumi bwa buntu. Nakubi kwaamba ayi ndisuni kucita cintu cibotu, sombi ndaalilwa kucicita.
Aboobo Mose wakapanga nsoka ya bulonse akuyaanjika pacisamu. Uyo woonse wakalumwa akulanga kunsoka iyo, wakaba kabotu.
