Bene Loma 8:28 - Baibo Busansulushi Bwa Libuku Ili

²⁸ Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Bene Loma 8:28 교차 참조

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

Matalikilo 50:20

Cibiibi ncemwakanjeyela kuncita Lesa wakacaalula caba bubotu, kwaamba ayi bantu baanji bapuluke alimwi bacili boomi bulya kwiinda muceeco cakacitika.

1 Bene Kolinto 2:9

Sombi kweelana abwaamba Malembo akwe Lesa ayi, “Isho muntu nshaatakwe kubonaawo nabi kunyumfwaawo, isho muntu nshaatakwe kuyeeyawo ayi shilaakucitika, nshesheesho Lesa nshaakabambila baabo bamusuni.”

Bene Loma 8:30

Ono abo Lesa mbaakabika palubasu, mbwaakeeta. Abo mbwaakeeta mbobaabo mbwaakalulamika pameenso akwe. Alimwi abo mbwaakalulamika, mbobaabo mbwaakapako bulemu bwakwe.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.

Kulonga 20:6

Sombi ndabonesha lusuno lwangu kushuulu ashuulu sha baabo bansuni akukonkela milawo yangu.

Bene Galatiya 1:15

Sombi Lesa muluse lwakwe, wakansalilabo limwi kaantana kushalwa ayi nkamusebensele.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Neyemiya 1:5

Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.

1 Bene Tesalonika 5:9

Lesa taakwe kutusala ayi tukabone bukali bwakwe, sombi kwaamba ayi tukapulushikwe kwiinda muMwaami Jesu Klistu.

Maako 12:30

Suna Mwaami Lesa, Lesa wako amoyo wako woonse, abuumi bwako boonse, amiyeeyo yako yoonse alimwi ankusu shako shoonse.’

Bene Efeso 3:11

Lesa wakacita boobo kwiinda muli Klistu Jesu Mwaami wesu kweelana ambwaakabamba kuswa kumatalikilo.

Dutolonomi 6:5

Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

1 Joni 4:19

Tulisunene mukwiinga Lesa ngowakataanguna kutusuna.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.

Bene Loma 9:11

Sombi baana kabatana kushalwa, nkokwaamba ayi kabatana kucitawo cibotu nabi cibiibi, Lesa wakaambila Labeka ayi, “Munenebantu ulaakunoosebensela mwanikebantu.” Kusalwa kwa mwanikebantu kwaakacitika kweelana aLesa mbwaakabamba. Takukwe kucitika ceebo ca milimo njebakacita, sombi nkusala kwakwe Lesa mwiine.

Kulumbaisha 69:36

Bamulunyungu ba bantu bakwe mbweshi bakacipyaane, sombi abalo abo bamusuni balaakwikalaamo.

2 Bene Kolinto 5:1

Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

Bene Galatiya 5:8

Kunyengelelwa kwanu uku takukwe kuswa kuli Lesa umwiita.

Milimo ya Batumwi 13:48

Baswamashi bakunsengwe ndibakanyumfwa boobo, bakasangalala abuumbi akutalika kulumbaisha maswi a Mwaami abotu. Mpomunyaawo abo Lesa mbwaakasala ayi babe abuumi butamaani, bakashoma.

Jelemiya 51:29

Cishi catenkaana akututuma ceebo nebo neMwaami Lesa ntoocita kweelana amuyeeyo wangu pacishi ca Babiloni. Ndaakucinyonyoola akucisandula kuba luyanga cakwaamba ayi kulaakubula amuntu weshi akekaleemo.

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

Bene Loma 11:29

Na Lesa wasala akupa coolwe muntu, taasanduki.

1 Bene Kolinto 1:2

Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.

1 Bene Kolinto 1:24

Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa.

Bene Galatiya 1:6

Ndakankamana abuumbi mukwiinga mwafwambaana kusuula Lesa, uyo wakamwiita kwiinda muluse lwakwe Klistu, akukonkela makani amwi.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Filipi 3:14

Aboobo ndacicila kushika kumeelelesho kwaamba ayi nkatambule cilambu kwiculu ncakatwiitila Lesa kwiinda muli Klistu Jesu.

Bene Ebulu 9:15

Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.