Bene Loma 8:17 - Baibo Busansulushi Bwa Libuku Ili

¹⁷ Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

Bene Loma 8:17 교차 참조

Bene Galatiya 4:7

Paceebo ceeco, tamucibete basha, sombi muli bana bakwe Lesa. Nkokwaamba ayi mbomuli baana, Lesa ulaakumupa shoonse sheelete baana.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.

Bene Efeso 3:6

Cabushishi ici ncakwaamba ayi, kwiinda muMakani Abotu, baswamashi bakunsengwe bakatambula shoolwe sheenka baJuda nshebakatambula. Boonse baba shipansha sha mubili womwi. Aboobo Kwiinda muli Klistu Jesu, balatambula sheesho shakashomesha Lesa.

Ciyubululo 21:7

Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.

1 Pita 4:13

Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.

1 Pita 1:4

Alimwi tutoolangila ayi tukatambule shipo isho Lesa nshaakabambila bantu bakwe. Utoomubambila kabotu kwiculu, uko nkweshi shikabule kubola, kunyonyooka nabi kubunda.

Taitasi 3:7

Wakacita boobo ayi tululamikwe muluse lwakwe akwinjila mubuumi butamaani ubo mbotutoolangila.

Bene Ebulu 6:17

Lesa wakayanda kubonesha baabo beshi bakatambule sheesho nshaakashomesha ayi ulaakucita kweelana akubamba kwakwe. Nceceeco ncaakalumbilila akukonkomesha mukushomesha kwakwe.

Joni 17:24

“Ta, ndisuni kwaamba ayi abo mbomwakampa bakabe anebo uko nkweshi nkabe. Ndisuni kwaamba ayi bakabone bulemu bwangu ubo mbomwakampa mukwiinga mwakansuna cishi ca panshi kacitana kulengwa.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Bene Filipi 1:29

Mwebo mwakapekwa coolwe cakusebensela Klistu, kuteshi kushomabo muli nguwe, sombi amukumupengela.

2 Bene Kolinto 1:7

Aboobo lushomo ndotucite pali ndimwe talutenkaanishikwi ceebo tulishi kwaamba ayi bweenka mbomupenga, mbotupenga aswebo, alimwi mulanooyuminishikwa bweenka mbuli ndiswe.

Bene Loma 5:17

Ndushinisho kwaamba ayi lufu lwakatalika kweendelesha bantu ceebo ca muntu womwi wakabisha. Sombi cakacita Jesu Klistu, muntu womwibo, cileendaawo nkusu paceeco cakacitika ceebo cakubisha kwa muntu womwi. Aboobo bantu boonse batambula shoolwe shakwe Lesa acipo ca bululami, balaakuba abuumi bwakukoma kwiinda muli Jesu Klistu.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

1 Bene Kolinto 2:9

Sombi kweelana abwaamba Malembo akwe Lesa ayi, “Isho muntu nshaatakwe kubonaawo nabi kunyumfwaawo, isho muntu nshaatakwe kuyeeyawo ayi shilaakucitika, nshesheesho Lesa nshaakabambila baabo bamusuni.”

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Mateyo 25:21

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

2 Bene Kolinto 1:5

Mukwiinga bweenka bwakapenga Klistu, aswebo tulapenga. Ono bweenka Lesa mbwaakacafwa Klistu, aswebo ulatucafwa kwiinda muli nguwe.

Bene Filipi 3:10

Ndisuni kwishiba Klistu ankusu shakubuka kwakwe kuswa kubafu, kukoshanyaakwe mumapensho akuba mbuli nguwe mulufu lwakwe.

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.