Bene Loma 5:10 - Baibo Busansulushi Bwa Libuku Ili

¹⁰ Twakalinga balwani bakwe Lesa, sombi wakatucita kwaamba ayi tube beshicibusanyina kwiinda mulufu lwa Mwanaakwe. Ono mbotuli beshicibusanyina, tulishinishite kwaamba ayi ulaakutupulusha ceebo ngumuumi.

Bene Loma 5:10 교차 참조

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Bene Efeso 2:16

Klistu wakafwa pamucilingano ayi amanishe lupato lwakalingaawo pakati ka mishobo yobilo ilya ayi apange mubili womwi. Mukucita boobo, wakababoosha pantu pomwi aLesa.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Loma 8:34

Sa kuli weenga wakonsha kubapa mulandu? Taaku nabibo womwi. Ndushinisho nabibo Klistu Jesu, uyo wakafwa akubushikwa kuswa kubafu, uli kululyo lwakwe Lesa alimwi utootwaambililaako kuli nguwe, taakoonshi.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Bene Loma 8:7

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

Bene Lefi 6:30

Sombi na bulowa bwa munyama umwi bwaletwa muTente ya Cipangano akusebenseshekwa mukukusha shibiibi muMusena Usalalite, munyama uyo teelete kulikwa, sombi ulyeelete kutentwa.”

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Joni 14:19

Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi.

Joni 6:57

Bweenka mbuli baTa bakantuma mbobali boomi, anebo ndimuumi ceebo ca baTa. Mbweeke ubo alakwe uyo ulya ndime, ulaakuba abuumi ceebo ca ndime.

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Joni 5:26

Bweenka baIshi mbobali matalikilo a buumi, alakwe Mwaana bamupa nkusu sha kuba matalikilo a buumi.

Esekelo 45:20

Pabushiku bwasanu ashobilo bwa mweenshi mulyeelete kucita bweenka ubo kucitila baabo boonse babisha cakuteshiba nabi mukubula lushibo. Munshila iyo mulaakunoosalasha Ŋanda yangu.

2 Makani 29:24

Lyalo bapailishi bakacaya mpongo isho akutila bulowa bwa nshisho pacipaililo ayi ngumulambu wakulekelelwa shibiibi sha bantu boonse. Bakacita boobo mukwiinga mwaami wakaambilisha ayi bene Isilaeli boonse babengelwe milambu yakutenta alimwi ayakulekelelwa shibiibi.

Bene Loma 5:6

Katutacite nkusu, Jesu wakatufwita swebo sobamucita shibi paciindi Lesa mwiine ncaakasala.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

1 Joni 2:1

Nobana bangu, ndamulembela makani aya kwaamba ayi mutakabishi. Sombi na umwi wabisha, tulicite shikutucafwa utwaambililaako kuli Ishiwesu, uyo nguJesu Klistu ululeme.

1 Joni 4:10

Lusuno lwancinencine mbulya mbolubete. Teshi kwaamba ayi swebo twakataanguna kusuna Lesa, sombi lakwe wakatusuna akutuma Mwanaakwe kwaamba ayi shibiibi shesu shilekelelwe.