Bene Loma 4:11 - Baibo Busansulushi Bwa Libuku Ili

¹¹ Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

Bene Loma 4:11 교차 참조

Bene Loma 3:22

Nshila Lesa njaalulamikilamo bantu, nkushoma muli Jesu Klistu. Ulacita boobo kubantu boonse mukwiinga taaku bupusano buli pabaJuda abaswamashi bakunsengwe

Luka 19:9

Jesu wakamwaambila ayi, “Lupulusho sunu lwashika muŋanda ino mukwiinga alakwe musankwa uyu ngumwanaakwe Abulaamu.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

2 Bene Kolinto 1:22

wakatubika cishibilo cakwe, akutupa Mushimu Usalashi mumyoyo yesu kwaamba ayi ube anga ncecisumina mulandu ca shintu sheshi shikese.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

Bene Galatiya 6:16

Lesa aape luumuno alimwi akunyumfwila nkumbu bantu boonse bakonkela kwiisha uku abantu bamwi boonse bakwe Lesa.

Bene Galatiya 5:5

Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.

Bene Galatiya 3:22

Sombi Malembo akwe Lesa alaamba ayi bantu boonse bali munkusu sha bubi, kwaamba ayi uyo woonse ushoma muli Jesu Klistu akatambule cipo ico Lesa ncaakashomesha.

Bene Galatiya 3:7

Mulyeelete kwishiba ayi abo bashoma mbamulunyungu lwakwe Abulaamu bancinencine.

Bene Loma 10:11

Malembo akwe Lesa alaamba ayi, “Uyo woonse ushoma, teshi akalenshekwe nsoni.”

Bene Loma 10:6

Ono kweelana acikani cakululamikwa pameenso akwe Lesa kwiinda mulushomo, Malembo akwe Lesa alaamba ayi, “Utaliipushi ayi, ‘Ngani eshi akaye kwiculu?’ ” (Nkokwaamba ayi nkuya mukuleta Klistu panshi.)

Bene Loma 10:4

Mukwiinga Klistu ngowakamanisha nkusu sha Milawo kwaamba ayi uli woonse ushoma, alulamikwe pameenso akwe Lesa.

Joni 6:35

Jesu wakabaambila ayi, “Ndi cakulya cipa buumi. Uyo woonse wisa kuli ndime teshi akafwewo nsala. Ncakwiila uyo woonse ushoma muli ndime teshi akanyumfwewo nyotwa.

Ciyubululo 9:4

Nsoshi ishi shakalwiitwa ayi shitanyonyooli bwiisu, shisamu nabi cishango cili coonse, sombi kunyonyoolabo bantu abo batakalinga kucite keshibilo kakwe Lesa pankumo.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Bene Loma 9:30

Ncetutokwaamba nceeci, baswamashi bakunsengwe tebakalinga kweelesha kulilulamika pameenso akwe Lesa. Sombi Lesa wakabalulamika ceebo bakamushoma.

Bene Loma 9:6

Ono nshintokwaamba ayi Lesa taakwe kucita kweelana akushomesha kwakwe ceebo teshi bene Isilaeli boonse babandwa ayi mbantu bakwe Lesa cancinencine.

Bene Loma 3:26

Sombi bulya ulatondesha ayi ulalulamika bantu bashoma muli Jesu Klistu kwaamba ayi beshibe ayi lakwe mwiine uliluleme.

Joni 8:33

Balo bakaamba ayi, “Swebo tuli bana bakwe Abulaamu alimwi tatukwe kubaawo kale basha ba muntu uli woonse. Ino inga mwaamba buyani ayi tulaakwaangululwa?”

Joni 6:47

Ntoomulwiita calushinisho ayi uyo woonse ushoma muli ndime ulicite buumi butamaani.

Joni 6:40

Mukwiinga baTa ncebasuni nkwaamba ayi uyo woonse wabona Mwaana akumushoma, abe abuumi butamaani alimwi ndaakumubusha kuswa kubafu pabushiku bwakweelaako.”

Joni 3:36

Aboobo uyo woonse ushoma Mwaana, ulicite buumi butamaani. Sombi uyo woonse utashomi Mwanaakwe Lesa, teshi akabe abuumi butamaani alimwi bukali bwakwe Lesa mbobuli pali nguwe.”

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Mateyo 8:11

Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.

Esekelo 20:20

Amulame bushiku bwangu bomwi abomwi bwakookesha bwa Cibelu ayi mbushiku busalalite kwaamba ayi bube keshibilo pakati kesu. Lyalo ndyeshi mukeshibe ayi nebo ndime Mwaami Lesa, Lesa wanu.

Esekelo 20:12

Ndakabapa abushiku bwakookesha bwa Cibelu ayi bube keshibilo pakati kesu kwaamba ayi beshibe ayi nebo neMwaami Lesa ndime ndakabasalasha.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Kulonga 31:17

Bushiku ubo nkeshibilo ka nshiku shoonse pakati kabene Isilaeli alimwi anebo, ceebo nebo neMwaami Lesa ndakalenga liculu alimwi acishi ca panshi munshiku shosanwe abomwi, ono pabushiku bwasanu ashobilo, ndakacileka kusebensa akookesha.”

Kulonga 31:13

ayi akalwiite bene Isilaeli ayi, “Kamulama nshiku shangu shakookesha sha Shibelu, mukwiinga nkeshibilo ka myaaka yoonse pakati pali ndimwe anebo, kwaamba ayi nebo neMwaami Lesa ndamulengesha kuba bantu bangu.

Kulonga 12:13

Bulowa ubo mbweshi bukananikwe kushisamu sha kumilyango ya maandaanu, bulaakuba ncecitondesho ayi ngamaandaanu. Na ndaboona bulowa ubo, ndaakumusotokela, nkokwaamba ayi mwebo teshi nkamuletelewo mwaalu unyonyoola pakunoopa mulandu bene Ijipiti.

Bene Loma 9:33

Bweenka bwaamba Malembo akwe Lesa ayi, “Amunyumfwishishe, ndabiika libwe muSiyoni ndibalisuntulaako bantu. Ncakwiila ndabiika mwaandami ngweshi bakanoolisuntulaako. Sombi uyo woonse ushoma muli nguwe teshi akanyumfwe nsoni.”

Matalikilo 17:24

Abulaamu wakalinga kucite myaaka ili 99 ndyaakapalulwa.

Kulumbaisha 47:9

Baleli boonse ba mishobo imwi yoonse balabungana pantu pomwi abantu bakwe Lesa, Lesa wakwe Abulaamu, mukwiinga bamaami boonse ba pacishi ca panshi cino mbakwe Lesa. Ncakwiila lakwe ngooindaawo kulemekwa.

Joni 3:33

Sombi muntu ushoma nshaamba ulashinisha ayi Lesa ngwalushinisho.

Bene Loma 3:30

Kuli Lesa womwibo ndondoli alimwi ngoolulamika baJuda mulushomo alimwi abaswamashi bakunsengwe mbomunya.

Bene Loma 4:10

Ici cakacitika Abulaamu kaatana kupalulwa, kutaamba ayi kaali wapalulwa kale.