18 Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.
Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.
Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.
“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.
alimwi akwaambana kuteeli kuswa kubantu abo bacite miyeeyo ibiibi batakoonshi kwishiba shalushinisho. Balo balayeeya ayi kupaila Lesa ninshila yakubililaamo.
Mwaami Lesa waamba ayi, “Mwebo nobalaluki nomulubya bantu bangu, na umwi wamupa cakulya mulaamba shaluumuno. Na taamupi, mulalaluka shankondo.
Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.
Bantu mbomunya aba mbeshi kutongooka lyoonse akubekesha bamwi shilubo, balakonkela shiyanda mibili yabo shibiibi. Balaamba cakulisumpula alimwi akubotesha baabo bacite buboni ayi babapeewo.
alimwi akusebensesha bubeshi bwa mishobo imwi yoonse kubaabo batoolindilabo kunyonyoolwa. Balaakunyonyoolwa ceebo bakakaka makani a lushinisho ayo ali kweelete kubaletela lupulusho.
Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.
Mukwiinga bamwi baanji balalisukamabo shintu shakulisangalasha beene kutaamba makani akwe Jesu Klistu.
Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.
Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.
Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.
Amwiingashile kwaamba ayi Mwaami ulaakumupa cilambu ncaakashomesha bantu bakwe. Anu Mwaami ngomutoosebensela nguKlistu.
Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.
Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.
Bantu boonse bakanyumfwa mpuwo yanu yakushoma Makani Abotu. Paceebo ceeco ndikondetwe ceebo ca ndimwe, sombi ndisuni kwaamba ayi mube basongo kwiinda mukushiba shibotu, mutafulunganishikwi abubi.
Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.
Kulaakwisa balaluki baanji babeshi abo beshi bakabece bantu baanji.
“Taaku muntu weenga wasebensela baami bobilo, mukwiinga ulapata womwi akusuna umwi, nabi kunyumfwila womwi akusuula umwi. Nkokwaamba ayi tamukoonshi kusebensela Lesa abuboni.
Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’
Ncakwiila balaakuloba balaluki bene Isilaeli abo bakaambila bene Jelusalemu ayi, ‘Kuli luumuno,’ kakuli taaku luumuno. Nebo neMwaami Lesa Shinkusu shoonse ndaamba.”
Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’
Muluya ulashoma shoonse nsheenga wanyumfwa, sombi muntu ucenjete ulataanguna kuyeeya ncaaelete kucita.
Mwebo nobaluya, amube atulango, ee, amube amaano akunyumfwisha shintu.
Kupandulula maswi anu kulapa mumuni, kulapa busongo kuli baabo batabucite.
Milawo ya Mwaami Lesa teecite kampenda, ilalengesha muntu kuba abuumi bupya. Shakaamba Mwaami Lesa shilashomekwa, shilalengesha batacite busongo kubaabo.
Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”
Ono ceebonshi tootoolemeka milambu ashipo bantu bangu nshibeelete kupa ndime? Ino nceebonshi webo Eli ulalemeka bana bako kwiinda ndime mukubaleka ayi baliinishe beene ceebo cakulya shipansha shiindaawo kubota sha milambu yoonse bantu njebabenga kuli ndime?
Libuku ili lilaamba pashintu Lesa nshaakayubulwita Jesu Klistu. Lesa wakamuyubulwita shintu ishi kwaamba ayi akaboneshe basebenshi bakwe sheelete kucitika cakufwambaana. Alakwe Klistu wakeshibisha Joni musebenshi wakwe kwiinda mumunjelo ngwaakatuma.
Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.
Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.
Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.
Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.
Abusalomu wakalinga kucita bweenka ubo kumwine Isilaeli uli woonse wakalinga kwisa alitongooshi lyakuyanda mwaami ayi apingule mukululama. Munshila iyo bene Isilaeli baanji bakamukonkela.
Womwi awomwi ulabeca shikamukobonyina. Balalumbaisha cakubeca akwaamba camyoyo yobilo.
Bantu abo balaakucafwikwa paniini muciindi cabo ca mapensho, sombi baanji beshi bakabe kulubasu lwabo teshi bakanooshomeka.
Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.
