12 Ciindi ca mashiku camana butooyanda kuca. Ono atucileeke kucita shamumunshinshe, sombi tubwese shakulwanisha sha mumumuni.
Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.
mumaswi alushinisho alimwi amunkusu shakwe Lesa. Tulasebensesha shakulwanisha sha bululami mumaansa oonse obilo lyalulyo alyacipiko.
Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.
Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”
Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.
Tatweelete kubika maano musheesho shiyanda mubili, sombi Jesu Klistu abe nsheshakulwanisha shesu.
Ono na muuwo wa macolesha watalika kuya citontola alimwi shimfule shatalika kuya cishimingana, upiluke kuli ndime, osunikwi wangu. Ukabe anga ninsefu nabi anga ngumwanaansefu musankwa patulundu twa Beta.
Wakaŋambila alimwi ayi, “Utashisi maswi a bulaluki ali mulibuku ili ceebo ciindi ndyeshi shikacitike cili pafwaafwi.
Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.
Pabushiku ubo bantu balaakusowa shibumbwabumbwa shabo kumbeba atumpafwa. Balaakusowa shibumbwabumbwa shabo sha golodi asilifa isho nshebakalipangila ayi banoolambila.
Ulicite coolwe uyo ubelenga libuku ili. Balicite coolwe abalo banyumfwa makani aya a bulaluki ubu alimwi akunyumfwila shilembetwe mulibuku ili. Balicite coolwe mukwiinga ciindi cakwaamba ayi shicitike shintu ishi, cili pafwaafwi.
Ncentoomulwiita, nobamakwesu, ncakwaamba ayi ciindi camana. Bulya beebete balyeelete kwikala anga tabeebeteewo.
Shoonse shintu ishi shakacitika kuli mbabo kwaamba ayi shibe shitondesho kubantu bamwi. Shakalembwa alimwi kwaamba ayi shitucenjeshe sotushiite muciindi cino meelelesho a cishi ca panshi ndyaali pafwaafwi.
Shilwanisho nshetusebensesha teshi sha pacishi ca panshi, sombi nsha nkusu shakwe Lesa isho shinyonyoola bulwani bwa bubi.
Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.
Anu tutacileeki kwishibila kwesu kwakubungana pantu pomwi, mbuli butoocita bamwi. Sombi twiindilisheewo kuyuminishanya, mukwiinga twaboona ayi Bushiku bwakwisa kwa Mwaami Jesu bwasenena.
Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.
Mbweeke ubo amwebo amube beshimoyonteeka, muyume ceebo Mwaami wesu Jesu ulibo pafwaafwi kwisa.
Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.
Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.
Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.
Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.
