Bene Loma 11:22 - Baibo Busansulushi Bwa Libuku Ili

²² Ono mulyeelete kwishiba ayi Lesa ngushinkumbu alimwi ngumukali. Ngumukali kubaabo bakabisha, sombi ulicite nkumbu kuli ndimwe, kulilabo na kamucita sheesho nsheenga shaleta nkumbu shakwe. Sombi na mwabula kucita boobo, Lesa ulaakumutyola amwebo.

Bene Loma 11:22 교차 참조

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

1 Bene Kolinto 15:2

Mulapulushikwa kulilabo na mwacatisha Makani Abotu ayo ngondakamushimikila. Cabula boobo ngayi lushomo lwanu taaku mbolubete.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Ciyubululo 2:5

Ono ibaluka mbuli mbowakalinga kootana kuwa! Ulyeelete kusanduka kuswa kushibiibi shako akutalika kwikala buumi mbowakalinga kucite pakutaanguna. Ono na ubule kusanduka kuswa kushibiibi shako, ndaakwisa kuli ndiwe mukukusha cakubikawo lilampi cako pamusena wa ncico.

Bene Galatiya 6:9

Anu tutacileeki kucita shibotu mukwiinga paciindi ceelete, tulaakutebula na tubule kutyongooka.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Ebulu 10:23

Atutolelele mukulangila nkotucite uko nkotushimikila, mukwiinga Lesa wakatushomesha, ulashomeka.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Joni 8:31

Jesu wakaambila baJuda bakamushoma ayi, “Na mukonkele kwiisha kwangu, ncakwiila mutooba bashikwiiya bangu.

1 Bene Tesalonika 3:8

Mukwiinga ono tulicite buumi bwancinencine, na muliimfwi cakutaboola pesule muMwaami Jesu.

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Luka 8:15

Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

Isaya 66:14

Ici mwaakucibona, myoyo yanu ilaakusangalala. Lyalo mulaakunoonemfumabo anga ngumweemfu mukuswitilila. Nkusu shangu nebo neMwaami Lesa, shilaakuboneka kubasebenshi bangu. Sombi balwani bangu ndaakubatondesha bukali bwangu.”

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.

Esekelo 18:24

“Na muntu ululeme wacileka kucita shabululami akutalika kubisha akucita shintu shilensha bunya isho shicita bamucita shibi, sa inga waba abuumi? Sobwe, taakuuwo cintu ciluleme nabi comwi ico ncaakacita ceshi cikeebalukweewo. Ncakwiila ulaakufwa ceebo cakutashomeka kwakwe alimwi ashibiibi isho nshaakacita.

Esekelo 3:20

“Ono na muntu ululeme waswa mubululami bwakwe akutalika kucita shintu shibiibi, lyalo anebo ndamuletela mfumpu, ncakwiila ulaakufwa. Muntu uyo ulaakufwa ceebo ca shibiibi shakwe mukwiinga webo tookwe kumucenjesha. Shiluleme nshaakacita teshi shikayeeyekweewo tubili, Sombi awebo ulaakupekwa mulandu pabulowa bakwe.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Kulumbaisha 31:19

Nshiinji shintu shibotu nshemwakabambila bamulemeka, shintu nshemucitila bantu bacicila kuli ndimwe. Shintu isho shilibwenekete kumuntu uli woonse.

Bene Loma 11:21

Ono na Lesa taakwe kulekabo bene Isilaeli, abo bali anga njimisampi iineiine, sa mutooyeeya ayi inga wamulekabo mwebo?