6 Mwebo nomuli muLoma, muli bamwi ba baabo Lesa mbwaakeeta kuba bakwe Jesu Klistu.
Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”
Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.
Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,
Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.
Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.
Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.
Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.
Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.
Wakamwiita muMakani Abotu ayo ngotwakamushimikila kwaamba ayi amwebo mukenjile mubulemu bwa Mwaami wesu Jesu Klistu.
Twakalinga kumuyuminisha akumwaambila cankusu ayi mulyeelete kwikala bwikaalo ubo bukondelesha Lesa, uyo umwiita kwaamba ayi mukenjile muBweene amubulemu bwakwe.
Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.
Ndakankamana abuumbi mukwiinga mwafwambaana kusuula Lesa, uyo wakamwiita kwiinda muluse lwakwe Klistu, akukonkela makani amwi.
Ceebo ndiswe baabo mbaakasala, kuteshi kuswa kumushobo wa baJuda weenka, sombi akubaswamashi bakunsengwe.
Kale kale mwebo mwakalinga kulaale aLesa alimwi mwakalinga balwani bakwe ceebo ca shintu shibiibi nshemwakalinga kucita alimwi akuyeeya.
Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.
