Bene Loma 1:5 - Baibo Busansulushi Bwa Libuku Ili

⁵ Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

Bene Loma 1:5 교차 참조

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 16:26

Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.

Milimo ya Batumwi 6:7

Lyalo maswi akwe Lesa akanyumfwika kubantu baanji. Mpeeke bashomi bakalinga kuya bufulilakobo alimwi bapailishi baanji bakashoma Makani Abotu.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Milimo ya Batumwi 1:25

kwaamba ayi abwese musena uyu wa butumwi, uyo wakashiya Judasi ndyaakaya kumusena umweelete.”

1 Bene Kolinto 9:2

Nakubi kwaamba ayi bamwi tabanjeeyeli kuba mutumwi, sombi kuli ndimwe ncakwiila ndi mutumwi mukwiinga wa cibusa canu aMwaami Jesu mwebo nobeene mulatondesha ayi ndi mutumwi.

Bene Loma 3:29

Sa Lesa ngwa baJudabo beenka? Sa teshi wa baswamashi bakunsengwe abalo? Ee, nguLesa wa baswamashi bakunsengwe abalo.

Joni 1:16

Muluse lwakwe luunji swebo twakatambula shoolwe shiinji abuumbi.

Bene Efeso 1:12

Wakalinga kusuni kwaamba ayi swebo sotwakataanguna kulangila Klistu, tulumbaishe bulemu bwakwe Lesa.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Milimo ya Batumwi 15:14

Simoni waswa mukutusansulwita mbuli Lesa mbwaakabonesha lusuno kubaswamashi bakunsengwe akusala bantu pakati kabo ayi babe bantu bakwe.

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.