Bene Lefi 7:9 - Baibo Busansulushi Bwa Libuku Ili

⁹ Cipo coonse ca fulaulo cakapangilwa mucitofu, cikaye nabi paceela ciselebete, nca mupailishi uyo ucipa kuli Lesa.

Bene Lefi 7:9 교차 참조

Bene Galatiya 6:6

Uyo woonse utokwiishikwa maswi akwe Lesa ulyeelete kwaabana amufundishi wakwe shintu shoonse shibotu nshaacite.

Esekelo 44:29

Balo balaakunoolya shipo sha fulaulo, milambu yakulekelelwa shibiibi alimwi amilambu yakumana milandu. Nkokwaamba ayi shintu shoonse shapekwa kuli ndime neMwaami Lesa mucishi ca Isilaeli shilaakuba shabo.

Shakubelenga 18:9

Mulyeelete kunoopekwa cipansha ca shintu shisalalite abuumbi isho shitatentwi pacipaililo. Kuswa pacipo coonse cisalalite ciindaawo ico ncebaleta kuli ndimwe, nabi ncipo ca shili anga ngamaila, mulambu wakulekelelwa shibiibi alimwi awakumana milandu, ishi nshaako alimwi abana bako basankwa.

Bene Lefi 2:10

Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.

1 Bene Kolinto 9:13

Mwebo mulishi cakwiila ayi abo basebensela muŊanda yakwe Lesa balacana cakulya mweenka umo, abalo beshikubenga milambu pacipaililo balabaana milambu iyo ibengwa pacipaililo.

1 Bene Kolinto 9:7

Sa kuli shilumamba usebensesha maali akwe mwiine mumulimo wakwe? Sa kuli mulimi ushanga muunda wa minyansa wabula kulyaamo? Sa kuli ufuba ŋombe kwakubula kukamaako mukupa?

Bene Lefi 5:13

Munshila iyi, mupailishi ulaakubenga cipo ca cibiibi ca muntu uyo, aboobo ulaakulekelelwa. Fulaulo umwi woonse ngwa mupailishi kweelana ambocibete mumakani a cipo ca fulaulo.”

Bene Lefi 7:8

Cipaya ca munyama wapekwa ayi ngumulambu wakutenta nca mupailishi ubenga mulambu uyo.

Bene Lefi 7:10

Sombi cipo coonse ca fulaulo citana kutelekwa, cisenkene amafuta nabi citana, nca bana bakwe Aloni bapailishi boonse, alimwi kwaabana shipansha sheelene.

2 Baami 12:17

Paciindi ico Asayelo mwaami wa bene Silya wakalwana ndabala ya Gati akwiinyonyoola. Lyalo wakayeeya kulwana ndabala ya Jelusalemu.