37 Anu iyi njemilawo ya pamilambu yakutenta, cipo ca fulaulo, milambu yakulekelelwa shibiibi, milambu yakumana milandu, milambu yakubika bantu pabupailishi alimwi amilambu ya bwanabwankashi.
“Ono mbweshi ukacite kuli Aloni alimwi abana bakwe basankwa pakubabenga ayi bansebensele mulimo wa bupailishi mbulya. Ukabwese mucende mwaana alimwi ambelele shisankwa shobilo shitacite kampenda kali koonse.
“Ici ncipo Aloni abana bakwe ncebeelete kupa ndime neMwaami Lesa bushiku mbobabikwa pabupailishi. Womwi awomwi ulyeelete kupa kilogilamu yomwi ya fulaulo, nkokwaamba ayi uunji bweenka mbuli cipo ca fulaulo cipekwa nshiiku shoonse, musa umwi macuunsa, awalo umwi macolesha.
Mwaami Lesa wakeeta Mose kuswa muTente ya Cipangano akwaamba ayi,
“Ukatimbuleko mafuta a mbelele isankwa iyo, mucila ucite mafuta uyo, mafuta afweka pashamukati, cipansha cibotu ca kulini, insa shoonse shobilo amafuta a nshisho alimwi alibelo lya kululyo.
“Ono na muntu inga tacikoonshi kucana mbelele nabi mpongo, ulyeelete kuleta mpolobe shobilo nabi nkulimba shobilo kuMwaami Lesa ayi ngomalipilo akubisha kwakwe. Nkokwaamba ayi kayuni komwi ngumulambu wakulekelelwa shibiibi, kamwi ngumulambu wakutenta.
Kuboolaawo Mose wakaleta mbelele yabili isankwa ayi njapakubika bantu pabupailishi. Lyalo Aloni abana bakwe basankwa bakabika maansaabo pamutwi wa njiyo.
Mose wakeecaya akubwesa bulowa bumwi wabunanika kukapansha ka panshi ka kutwi wakwe Aloni wakululyo, kucikumo cinene ca kulyaansa lyalulyo, alimwi akucikumo cinene ca kumweendo walulyo.
