Bene Lefi 4:13 - Baibo Busansulushi Bwa Libuku Ili

¹³ “Ono na mbene Isilaeli boonse babisha cakuteshiba kwiinda mukusotoka mulawo umwi pamilawo yangu neMwaami Lesa. Nabi babisha cakuteshiba, balicite mulandu.

Bene Lefi 4:13 교차 참조

Bene Lefi 5:17

“Ono na muntu umwi wabisha cakuteshiba kwiinda mukusotoka mulawo wangu neMwaami Lesa uli woonse, nkokwaamba ayi wabisha. Aboobo ulyeelete kulipila kweelana ambwaaelete.

1 Timoti 1:13

Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.

1 Bene Kolinto 11:27

Paceebo ceeco uyo woonse ulya cimaande ici akunwita munkomeshi iyi mukutalemeka Mwaami Jesu, ulicite mulandu kumubili abulowa bwakwe.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Esila 10:19

Lyalo bantu aba bakashomesha kulekana abamakaabo alimwi bakabenga mbelele isankwa kuswa mulitanga ayi ngumulambu wakumana mulandu.

Joshuwa 7:11

Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.

Bene Lefi 6:4

Ono na wabisha munshila iyi akucaninwa mulandu, ulyeelete kuboosha ncaakeepa nabi kubwesa mukucenjeeka, nabi ceeco ncaakapekwa ayi alame, nabi ceeco cakalinga kusowekete ncaakabwesa,

Bene Lefi 4:21

Mpeeke ulaakukusha mucende uyo pansengwe lya misumba akumutenta bweenka mbwaatenta mucende ubengwa ayi ngumulambu wakulekelelwa shibiibi shakwe mwiine. Mulambu uyo ngwakukusha cibiibi ca bene Isilaeli boonse.

Bene Lefi 16:5

“Lyalo bene Isilaeli balaakupa Aloni mpongo shobilo shisankwa ayi ngumulambu wakulekelelwa shibiibi ambelele isankwa ayi ngumulambu wakutenta.

Shakubelenga 15:22

“Ono na muntu umwi cakuteshiba waalilwa kukonkela milawo iyi nebo neMwaami Lesa njendakapa Mose,

Kulumbaisha 19:13

Amuntalamushe kushibiibi shakashanga, ayi shitanyendeleshi napaceyuubo, sobwe. Munshila iyo ndyeshi nkabe muntu utacite kampenda, ncakwiila muntu utacite mulandu unene wiindaawo.

Esekelo 45:22

Ono pabushiku bwakutaanguna bwakusekelela muleli wa cishi ulyeelete kupa mucende ayi ngumulambu wakulekelelwa shibiibi shakwe mwiine asha bantu boonse.