Bene Lefi 3:3 - Baibo Busansulushi Bwa Libuku Ili

³ Lyalo ulyeelete kupa nebo neMwaami Lesa ayi ncipo ca shakulya kuli ndime, shipansha sha munyama ishi. Mafuta oonse a shamukati,

Bene Lefi 3:3 교차 참조

Kulonga 29:13

Kuswawaawo ukabwese mafuta oonse afweka shamukati, cipansha cibotu ca kulini, alimwi ansa shobilo amafuta a nshisho, akushitentela pacipaililo ayi ngumulambu kuli ndime.

Mateyo 15:8

‘Aba bantu balandemekabo pamulomo sombi myoyo yabo ili kulaale anebo.

Kulonga 29:22

“Ukatimbuleko mafuta a mbelele isankwa iyo, mucila ucite mafuta uyo, mafuta afweka pashamukati, cipansha cibotu ca kulini, insa shoonse shobilo amafuta a nshisho alimwi alibelo lya kululyo.

Bene Loma 6:6

Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.

Bene Loma 5:5

Akwalo kulangila uku takutulenshi nsoni ceebo Lesa ulitusuni abuumbi kwiinda muMushimu Usalashi uyo ngwaakatupa.

Mateyo 13:16

“Sombi mwebo mulicite coolwe mukwiinga meenso anu alabona, aalo matwi anu alanyumfwa.

Esekelo 36:26

Ndaakumupa myoyo ipya alimwi atulango tupya. Ndaakukusha myoyo yanu iyumu anga ngamabwe akumupa myoyo inyumfwila ndime.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Tushimpi 23:26

Kutikisha nsheeŋamba omwanaangu alimwi ukonkele citondesho ca buumi bwangu.

Kulumbaisha 119:70

Bantu ba mushobo uyo mbayumu myoyo alimwi tabanyumfwi, sombi nebo ndakondwa mumilawo yanu.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Bene Lefi 3:16

Lyalo shoonse ishi mupailishi ulaakushitentela pacipaililo ayi ncipo ca shakulya kuli ndime neMwaami Lesa. Mafuta oonse ngaangu neMwaami Lesa.

Bene Lefi 1:8

Mpomunyaawo balaakubika shipansha sha munyama uyo pamulilo kubikaawo amutwi alimwi amafuta.

Bene Lefi 1:12

Ono muntu uyo ulyeelete kwiitimboola. Lyalo mupailishi ulaakubika shipansha shoonse pamulilo kubikaawo amutwi alimwi amafuta.

Bene Lefi 3:2

Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo.

Bene Lefi 3:4

insa shoonse shobilo amafuta a nshisho alimwi acipansha cibotu ca lini.

1 Samwelo 2:15

Kwiilikawobo apa, mafuta kaatana kukushikwaawo akutentwa musebenshi wa mupailishi wakalinga kwisa akwaambila shikubenga ayi, “Amumpewo nyama mupailishi akateente. Teshi asumineewo kutambula nyama yakuteleka kuswa kuli ndimwe citobo ibishi.”

Bene Lefi 4:10

Mpeeke mupailishi ulaakubwesa mafuta aya akwaatentela pacipaililo ca milambu yakutenta, bweenka mbuli mbwaacita kumafuta a munyama ucaikwa ayi ngumulambu wa bwanabwankashi.

Bene Lefi 7:5

Lyalo mupailishi ulaakutenta mafuta oonse pacipaililo ayi ncipo ca shakulya kuli ndime neMwaami Lesa. Uyu ngumulambu wakumana milandu.

Bene Lefi 7:30

Ulyeelete kucileta amaansaakwe ayi ngumulambu wa shakulya. Ulaakuleta amafuta a munyama uyo alimwi antiti yakwe akutambeeka ntiti kunembo lyangu neMwaami Lesa ayi ngumulambu wakutambeeka.

Bene Lefi 9:10

Lyalo pacipaililo wakatentawo mafuta a mulambu wakulekelelwa shibiibi, insa alimwi acipansha cibotu ca lini, kweelana aMwaami Lesa mbwaakaambila Mose.

Bene Lefi 16:25

Mpeeke ulaakutentela mafuta a munyama wa mulambu wakulekelelwa shibiibi pacipaililo.

Esekelo 44:15

Mwaami Lesa Shinkusu shoonse wakaamba ayi, “Bapailishi bene Lefi bamulunyungu lwakwe Sadoki balo bakatolelela kunsebensela cakushomeka muŊanda yangu, bene Isilaeli ndibakamfutatila. Paceebo ceeco balo mbweshi banoosena pafwaafwi anebo ayi bansebensele. Bapailishi abo mbweshi banoosa kunembo lyangu akubenga milambu ya mafuta alimwi abulowa kuli ndime.