Bene Lefi 26:44 - Baibo Busansulushi Bwa Libuku Ili

⁴⁴ Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo.

Bene Lefi 26:44 교차 참조

Bene Loma 11:2

Lesa taakwe kukaka bene Isilaeli abo mbwaakasala kuswabo kumatalikilo. Sa tamushi bwaamba Malembo akwe Lesa mucikani cilya Elija ndyaakasenga cankusu ayi Lesa ape mulandu bene Isilaeli?

Neyemiya 9:31

Ceebo ca nkumbu shanu shikankamika, tamukwe kubanyonyoola nabi kubafutatila. Mwebo muli baLesa beshiluse alimwi beshinkumbu.

Kulumbaisha 94:14

Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

Bene Loma 11:26

Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi, “Mupulushi ulaakuswa kuSiyoni, alimwi ulaakulekelela bubi boonse bwa bene Isilaeli.

Esekelo 16:60

Nakubi boobo ndaakwiibaluka cipangano ncendakapanga andiwe koocili cikula bwangu alimwi ndaakupanga cipangano citamaani andiwe.

Jelemiya 33:26

Ono mbocibete lushinisho ayi ndakacita boobo, mbweeke ubo mbweshi nkacite kweelana acipangano cangu abamulunyungu lwakwe Jakobo alimwi amusebenshi wangu Defedi. Ndaakusalawo muntu womwi pabamulunyungu lwakwe Defedi ayi alele bamulunyungu lwakwe Abulaamu, Isaki aJakobo. Ndaakufwita nkumbu bantu bangu akubalengesha kuswitilila alimwi.”

Jelemiya 30:11

Ndi amwebo alimwi ndaakumupulusha. Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Jelemiya 14:21

Ceebo ca liina lyanu mutatusuuli, mutalengeshi nsoni cuuna canu ca bulemu. Amwiibaluke cipangano ncemwakapanga andiswe, mutacileeki kucita kweelana a ncico.

Kulumbaisha 89:33

Sombi teshi nkakusheko moyo kuli Defedi, alimwi teshi nkacilekeewo kushomeka kuli nguwe.

Bene Lefi 26:11

Nebo ndaakunokala pakati kanu muTente yangu ya Cipangano alimwi teshi nkamufutatileewo.

Boomboloshi 2:1

Mpeeke munjelo wa Mwaami Lesa wakaswa kuGilugala akuya kuBokimu uko nkwaakaya mukwaambila bene Isilaeli ayi, “Ndakamukusha kuIjipiti akumuleta mucishi ncendakashomesha bamashali banu bakulukulu. Ndakaamba alimwi ayi, ‘Teshi nkapwaaye cipangano ncendakapanga amwebo.

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Jelemiya 24:5

“Nebo neMwaami Lesa, Lesa wa bene Isilaeli ndayeeya ayi bantu bakatolwa mubusha kuBabiloni kuswa kuJuda bali anga ninkuyu ishi shibotu.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.