33 Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.
Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”
Paceebo ceeco, ndakashomesha cakulumbila alimwi kuli mbabo kaantambikite lyaansa mwiculu kabali muluyanga kwaamba ayi ndaakubatandila pakati ka mishobo ya mucishi ca panshi coonse.
Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.
Ndaakutandila bantu bako pakati ka mishobo ya mucishi ca panshi coonse alimwi akumanisha micito yanu yoonse ishipite.
Mwakatwaaba ayi tunyonyoolwe anga nimbelele kunkalamu, alimwi akutupalanganishisha pakati ka mishobo imwi.
Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.
Bantu baloolobesha ayi, “Kamuya kooko! Tamusalalite! Kamuya kooko! Kamuya kooko! Mutatucaati!” Na baya ciingaila bantu ba mumishobo balacaala kabaamba ayi, “Tabakoonshi kutolelela kwikala aswebo kuno!”
Ndaakubapalanganishisha pakati ka mishobo iyo balo nabi bamashali babo bakulukulu njebatakwe kwishibaawo. Ndaakubatandaanya amakoto a bashilumamba kushikila nkabanyonyoole cakumaninina.’ ”
Mapensho amilimo iyumu ndishamana, bene Juda batolwa mubusha. Balekalabo pakati ka mishobo imwi, tabacani amusena wakookesheshaawo. Boonse babatandaanya balabeensha, ee, kubeensha mukati ka mapensho.
Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.
Sombi na webo nabi bamulunyungu lwako bakacileeke kunyumfwila, ee, kucileka kukonkela milawo amilasho njindakakupa nabi kutalika kulambila balesa bamwi,
“Amwiibaluke mulasho ngomwakapa Mose musebenshi wanu wakwaamba ayi, ‘Na mukabule kushomeka kuli ndime, ndaakumupalanganishisha pakati ka mishobo imwi.
bamulunyungu babo balaakufwita pakati ka mishobo imwi, akupalanganishilwa mushishi sheensu.
Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.
Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”
Mwaami Lesa waamba ayi, “Ndaakumupalanganyabo anga mbuungu boolulushikwa kumuuwo wa muluyanga.
Lyalo ndaakulengesha bamaami boonse ba pacishi ca panshi kubacimwa ceebo ca ceeco Manase mwanaakwe Esekiya mwaami wa bene Juda ncaakacita muJelusalemu.”
“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’
Nshiku shako shakulwana ndabala ya Jelusalemu shaakwiinda, ukateente cipansha comwi mumulilo mundabala. Kuswawaawo ukabwese cipansha cimwi akucitimboola amupeeni kushinguluka ndabala yoonse. Cipansha cakweelaako ukacuululushe amuuwo ceebo ndaakubatandaanya amupeeni.
Nabi balwani babo bakabatole mubusha, ndaakulengesha ayi bakacaikwe kunkondo. Ndishinishite kubanyonyoola kuteshi kubacafwa napaceyi.”
“Ono na bantu banu bamubishisha ceebo taaku muntu nabi womwi utabishi, lyalo mubukali bwanu mwalengesha ayi bakomwe akutolwa busha kucishi cimwi, nabi cishi ico kacili kulaale,
Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.
Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”
Mpomunyaawo Amani wakaambila mwaami Sakisesi ayi, “Kuli mushobo umwi wa bantu bapalangene mubwaami bwanu boonse abo bakonkela kwishibila kupuseneeko akwa bantu bamwi boonse. Bantu abo balakaka akukonkela milawo yanu. Aboobo taaku mbweshi cimucaafwe kubalekabo.
Mwakoolisha bantu banu pamweelo uniini, kubacita anga taaku mbobabete.
Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.
Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.
Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”
Ndabala inene ya Jelusalemu yakalinga kuswite bantu. Ino ono ndabala iyo yacaala buyani cisuukila? Ndabala iyo yakalinga kulemekwa pakati ka mishobo. Ino ono yaba buyani anga ngumukalubinje? Ndushinisho yakalinga anga ngumwaami mwanakashi pakati ka shishi, sombi bulya yaba anga ngumusha.
Mwaami Lesa mwiine ngowakabapalanganya, taababikiiko amaano, sobwe. Bapailishi taabapiwo bulemu, abalo bamaloba babo taabanyumfwiliwo nkumbu.
Mandabala anene ayo aswite bantu, alaakunyonyoolwa. Aboobo cishi cilaakuba luyanga. Lyalo ndyeshi bakeshibe ayi nebo ndi Mwaami Lesa.’ ”
Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.
